Nau Kơp Bunuyh 11:1 - Nau Brah Ndu Ngơi 2023

¹ Aƀaơ, phung ƀon lan ngơi ƀrôk jêh ri nau nây ƀư Brah Yêhôva mâu di nuih. Brah Yêhôva tăng jêh ri Păng hao ji nuih. Ŭnh Brah Yêhôva su ta nklang phung ƀon lan jêh ri su ma ŭnh ta pĭt ntŭk rmlak tahan.

Nau Kơp Bunuyh 11:1 ပူးပေါင်းရင်းမြစ်များ

Nau Ntơm 38:10

Nau Y-Ônan ƀư nây jêng nau djơh mhĭk tanăp măt Brah Yêhôva jêh ri Kôranh Brah nkhĭt păng đŏng.

II Samuel 11:27

Tơlah nau ndrê klâng lĕ jêh, Y-Đavit prơh bu hăn leo păng ma ngih hađăch; păng dơi jêng ur hađăch jêh ri deh ăn ma hađăch du huê kon bu klâu. Ƀiălah nau Y-Đavit ƀư nây rngot ma Brah Yêhôva.

II Phung Hađăch 1:12

Ƀiălah Y-Êli plơ̆ lah: “Tơlah gâp jêng bunuyh Brah Ndu, dăn ŭnh tă bơh trôk su may ndrel ma prăm jât nuyh tahan may!” Ŭnh Brah Ndu tă bơh trôk ro su kôranh nây jêh ri phung prăm jât bunuyh tahan păng.

Ndrom Samƀŭt bơh Yôp 1:16

Bunuyh aơ dôl hôm ngơi, du huê bunuyh êng văch mbơh: “Ŭnh Brah Ndu tă bơh klơ trôk jŭr su lĕ phung biăp jêh ri phung oh mon, hôm e du huê gâp klaih nchuăt sĭt mbơh nau ma may.”

Nau Mprơ Ơm 106:18

Ŭnh sa ta nklang phung tâm rƀŭn; Mpiăt ŭnh sa phung mhĭk.

Nau Mprơ Ơm 78:21

Tăng pônây, Brah Yêhôva păng ji nuih; Geh ŭnh su ta phung Yakôb, Jêh ri nau ji nuih hao nuih ma phung Israel.

Nau Mprơ Ơm 78:63

Ŭnh sa phung bu klâu ndăm khân păng, Phung bu ur druh khân păng mâu hôm tăng mprơ tâm nkol ôh.

Nau Ngluh Êjipt 16:7

jêh ri ôi taơ, khân may mra saơ nau chrêk ma lơp Brah Yêhôva, yorlah Păng hŏ tăng jêh nau khân may nduyh Păng. Bi hên mbu nơm jêng, dĭng khân may nduyh ma hên?”

Nau Ngluh Êjipt 16:9

Y-Môis lah ma Y-Arôn: “Lah hom ma lĕ phung Israel tâm rƀŭn pô aơ: ‘Ăn khân may văch tanăp măt Brah Yêhôva, yorlah Păng hŏ tăng jêh nau khân may nduyh.’ ”

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Nau Nhĭm Vơl 3:39

Mâm ƀư bunuyh dôl gŭ rêh ngơi ƀrôk Ma nau tâm rmal prăp ăn ma nau tih păng nơm?

Êsêkiêl 20:36

Nâm bu Gâp phat dôih jêh phung chô yau khân may tâm bri rdah n'gor bri Êjipt tâm ban pônây lĕ Gâp mra phat dôih khân may,’ Kôranh Brah Yêhôva lah pônây.

Kan Lêvi 10:2

Du chiông ŭnh luh tă bơh tanăp Brah Yêhôva su bar hê nây; khân păng khĭt tanăp Brah Yêhôva.

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Habakuk 3:5

Nau ji tưp hăn panăp Păng, Nau mhĭk tât tĭng êp jâng Păng chuat.

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Nau Kơp Bunuyh 11:18

Ăn may lah ma phung ƀon lan pô aơ: ‘Ôi taơ, ndrăp ăn kloh hom khân may nơm jêh ri khân may mra sa puăch. Yorlah tôr Brah Yêhôva tăng khân may nhĭm nhhiăng pô aơ “Mbu mra ăn ma hên puăch sa” yorlah hên hŏ gŭ rêh jêh ueh jêh ta Êjipt. Yor ri, Brah Yêhôva mra ăn puăch ma khân may jêh ri khân may mra sa puăch.

Nau Kơp Bunuyh 12:2

Bar hê lah pô aơ: “Brah Yêhôva knŏng lah ma Y-Môis dơm hĕ? Mâu di Păng ngơi đŏng ma he?” Brah Yêhôva tăng nau nây.

Nau Kơp Bunuyh 14:2

Lĕ rngôch phung ƀon lan Israel njang mbung đah Y-Môis jêh ri Y-Arôn; lĕ rngôch phung tâm rƀŭn lah ma bar hê: “Ueh lơn hên khĭt tâm n'gor bri Êjipt mâu lah khĭt tâm bri rdah aơ!

Nau Kơp Bunuyh 14:22

lĕ rngôch phung saơ jêh nau chrêk rmah jêh ri nau mbên khlay Gâp hŏ ƀư jêh tâm n'gor Êjipt jêh ri tâm bri rdah, ƀiălah hŏ rlong uănh jêh Gâp jât tơ̆, tâm ban đŏng mâu tông bâr Gâp ôh,

Nau Kơp Bunuyh 14:27

“Ndah hŏ jŏ phung tâm rƀŭn janh ƀai aơ ăt njang mbung đah Gâp? Gâp hŏ tăng jêh nau phung ƀon lan Israel njang mbung, ngơi ƀrôk Gâp.

Nau Kơp Bunuyh 14:28

Lah hom ma khân păng, ‘Brah Yêhôva lah: Gâp sŏk nau rêh Gâp gay ngơi pô aơ Gâp mra ƀư ma khân may di nâm nau Gâp hŏ tăng jêh khân may njang mbung:

Nau Kơp Bunuyh 16:11

Yor ri, may jêh ri lĕ rngôch phung hăn tĭng ma may rgum gay ŭch tâm rdâng đah Brah Yêhôva! Mbu Y-Arôn jêng kŏ tât khân may ngơi ƀrôk tâm rdâng đah păng?”

Nau Kơp Bunuyh 16:35

Jêh nây du chiông ŭnh luh tă bơh Brah Yêhôva su bar rhiăng prăm jât nuyh hŏ nhhơr ndơ ƀâu kah.

Nau Kơp Bunuyh 17:5

Tơlah mâng jra bunuyh Gâp săch, mâng păng mra luh kao. Kơt nĕ, Gâp mra ƀư mlo lĕ nau ngơi ƀrôk phung ƀon lan Israel tâm rdâng đah may.”

Nau Kơp Bunuyh 21:5

Phung ƀon lan ngơi tâm rdâng đah Brah Ndu jêh ri Y-Môis. Khân păng lah: “Mâm may njŭn hên du luh bơh n'gor Êjipt ăn khĭt tâm bri rdah nây? Yorlah ta aơ mâu geh piăng let jêh ri mâu geh dak nhêt, jêh ri hên tâm rmot ma ndơ sông sa dơm dam aơ.”

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

Nau Vay Nkah Tay 25:18

Yorlah khân păng mâu klach yơk ma Brah Ndu, rĭ dĭng khân păng hăn chuă jêh ri tâm lơh đah phung tĭng groi pakơi khân may ta rŏ trong, dôl khân may lĕ huăr jêh ri rgănh.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.

Nau Vay Nkah Tay 9:22

Khân may hŏ nsônh jêh ma Brah Yêhôva ji nuih ta Tabêra, ta Masa jêh ri ta Kibrôt Hatava.

ហេឞ្រើ 12:29

yorlah Brah Ndu he jêng mpiăt ŭnh su lĕ.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.