Nau Kơp Bunuyh 10:32 - Nau Brah Ndu Ngơi 2023

³² Tơlah may hăn ndrel ma hên, hên mra pă ma may lĕ rngôch nau ueh Brah Yêhôva mra ăn ma hên.”

Nau Kơp Bunuyh 10:32 ပူးပေါင်းရင်းမြစ်များ

Kan Lêvi 19:34

Phung bu năch gŭ njưh ndrel ma khân may ăn khân may uănh nâm bu bunuyh ƀon tơm; ăn khân may rŏng ma khân păng nâm bu khân may nơm lĕ, yorlah khân may hŏ tă jêng phung bu năch gŭ tâm n'gor Êjipt. Gâp jêng Yêhôva Brah Ndu khân may.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

Phung Kôranh Phat Dôih 1:16

Kon sau mpeh mbơ̆ ur Y-Môis, jêng phung Kênit, tă bơh ƀon Tơm Đung hăn hao ndrel phung kon sau Yuđa, tât tâm bri rdah nkual Yuđa, tâm n'gor Nêgep dăch kêng ƀon Arat jêh ri gŭ rêh n'hanh đah phung ƀon lan Amalek.

Phung Kôranh Phat Dôih 4:11

Dôl nây Y-Hêber, bunuyh Kênit tâm nkhah jêh păng nơm bơh phung ƀon lan Kênit, jêng phung kon sau Y-Hôbap, nâu ur Y-Môis, jêh ri păng ndâk ngih bok păng mpeh tơm si guyh Sananim, dăch đah Kêdês.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”