Nau Kơp Bunuyh 10:29 - Nau Brah Ndu Ngơi 2023

²⁹ Y-Môis lah ma Y-Hôbap, kon bu klâu Y-Rêuel, du huê Madian jêng nâu ur Y-Môis pô aơ: “Hên hăn tât ta n'gor Brah Yêhôva lah jêh: ‘Gâp mra ăn n'gor nây ma khân may.’ Dăn may hăn ndrel ma hên, hên mra ƀư ueh ma may, yorlah Brah Yêhôva ton jêh ăn nau ueh uĭn ma phung Israel.”

Nau Kơp Bunuyh 10:29 ပူးပေါင်းရင်းမြစ်များ

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 32:12

Ƀiălah May nơm hŏ ton jêh ma gâp: ‘Nanê̆ May mra ƀư ueh ma gâp jêh ri ƀư ma noi deh gâp âk tâm ban ma choih dak mƀŭt, bu mâu dơi kơp ôh yor dŭt âk.’”

Nau Mprơ Ơm 100:1

Ơ lĕ rngôch phung gŭ ta neh ntu, Sŏk hom bâr troh maak ma Brah Yêhôva!

Nau Mprơ Ơm 34:8

Rlong ler hom jêh ri gĭt năl Brah Yêhôva ueh reh hâu ngăn ngên! Ueh maak ngăn mbu nơm gŭ krap tâm Păng!

Nau Mprơ Ơm 95:1

Văch hom mprơ maak ma Brah Yêhôva, Sŏk bâr troh maak ma Lŭ Toyh nau tâm rklaih he.

Nau Ngluh Êjipt 18:1

Y-Jêtrô, kôranh ƀư brah Madian jêh ri jêng po Y-Môis, tăng lĕ rngôch nau Brah Ndu hŏ ƀư an jêh ma Y-Môis jêh ri ma phung Israel Păng tâm ban đŏng Păng ngluh jêh phung Israel luh bơh n'gor Êjipt.

Nau Ngluh Êjipt 18:12

Y-Jêtrô, po Y-Môis, nhhơr ndơ ƀư brah gŭch jêh ri mpa ƀư brah ma Brah Ndu. Y-Arôn jêh ri lĕ kôranh bu ranh Israel văch sông sa ndrel ma po Y-Môis, tanăp Brah Ndu.

Nau Ngluh Êjipt 18:27

Jêh nây, Y-Môis njŭn po păng hăn trong plơ̆ sĭt ta n'gor păng nơm.

Nau Ngluh Êjipt 2:18

Lah phung bu ur plơ̆ sĭt ta ngih mbơ̆ khân păng jêng Y-Rêuel, jêh ri mbơ̆ khân păng ôp: “Mâm ƀư khân ay sĭt ơm nar aơ?”

Nau Ngluh Êjipt 2:21

Y-Môis ŭch đŏng gŭ ndrel ma Y-Rêuel, jêh ri păng nđăp H'Sêpôra, kon bu ur păng, ƀư ur Y-Môis.

Nau Ngluh Êjipt 3:1

Rnôk nây Y-Môis dôl chiăp biăp Y-Jêtrô, po păng, jêng kôranh ƀư brah n'gor Madian. Păng njŭn leo phung biăp hăn đah ri bri rdah jêh ri tât ta Hôrep jêng yôk Brah Ndu.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Nau Kơp Bunuyh 10:28

Nĕ jêng mbor phung ƀon lan Israel hăn du luh tĭng ăp ndŭl mpôl khân păng nơm.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Kôranh Oh Mon 7:5

Brah Ndu mâu ăn drăp ndơ ma păng ôh tâm n'gor aơ, nđâp lah du nđam neh lum mpang jâng mâu geh lĕ, ƀiălah Păng ton ma păng jêh ri noi deh păng mra pit sŏk n'gor aơ, nđâp tơlah nôk nây Y-Abraham ê hŏ geh kon.

Nau Vay Nkah Tay 30:5

Yêhôva Brah Ndu mra njŭn khân may sĭt tâm n'gor phung chô yau khân may pit sŏk jêh ri khân may dơi sŏk in n'gor nây. Păng mra ăn khân may chăt jêng âk lơn jêh ri jêng bĭk rơ̆ lơn ma phung chô yau khân may.

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

Phung Kôranh Phat Dôih 1:16

Kon sau mpeh mbơ̆ ur Y-Môis, jêng phung Kênit, tă bơh ƀon Tơm Đung hăn hao ndrel phung kon sau Yuđa, tât tâm bri rdah nkual Yuđa, tâm n'gor Nêgep dăch kêng ƀon Arat jêh ri gŭ rêh n'hanh đah phung ƀon lan Amalek.

Phung Kôranh Phat Dôih 4:11

Dôl nây Y-Hêber, bunuyh Kênit tâm nkhah jêh păng nơm bơh phung ƀon lan Kênit, jêng phung kon sau Y-Hôbap, nâu ur Y-Môis, jêh ri păng ndâk ngih bok păng mpeh tơm si guyh Sananim, dăch đah Kêdês.

I Samuel 15:6

Y-Sôl lah ma phung Kênit: “Du rŭch hom khân may, tâm nkhah hom luh bơh phung Amalek, klach lah gâp ƀư rai khân may nđâp ma khân păng. Yorlah khân may hŏ ƀư nau yô̆ ma lĕ rngôch phung Israel tơlah khân păng du luh tă bơh Êjipt.” Pônây, phung Kênit tâm nkhah luh bơh phung Amalek.