Nau Kơp Bunuyh 10:12 - Nau Brah Ndu Ngơi 2023

¹² Tă bơh bri rdah Sinai, phung ƀon lan Israel hăn nsong kŏ tât nôk ndâr tŭk nsrŭng gŭ tâm bri rdah Paran.

Nau Kơp Bunuyh 10:12 ပူးပေါင်းရင်းမြစ်များ

Nau Ntơm 14:6

jêh ri phung Hôrit tâm n'gor dor yôk Sêir, n'hot tât ta Êl-Paran, êp ta n'har bri đah bri rdah.

Nau Ntơm 21:21

Y-Ismaêl rêh tâm bri rdah Paran. Mê̆ păng nđăp păng đah ur bu ur n'gor Êjipt.

I Phung Hađăch 11:18

Khân păng du luh bơh n'gor Madian tât ma Paran. Jêh nây bơh Paran, khân păng djôt leo du rnoh bunuyh Paran hăn tât ta Êjipt jêh ri mpơl măt đah Pharaôn, hađăch n'gor Êjipt. Hađăch nây ăn ma Y-Hadat du mlâm ngih gŭ, ndơ sông sa jêh ri neh mir.

Nau Ngluh Êjipt 13:20

Lah du jêh bơh Sukôt, khân păng ndâk ngih bok ta Êtam, ta n'har bri rdah.

Habakuk 3:3

Brah Ndu văch tă bơh bri Têman Nơm Kloh Ueh văch tă bơh yôk Paran. Nau chrêk ma lơp Păng nkŭm lĕ ndâr trôk, Nau tâm rnê Păng nter huy lam neh ntu. (Sêla)

Nau Kơp Bunuyh 1:1

Nar năng nguay khay bar năm tal bar, jêh phung ƀon lan Israel luh bơh Êjipt, Brah Yêhôva ngơi ma Y-Môis ta Ngih Bok Nau Tâm Rƀŭn tâm bri rdah Sinai pô aơ:

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Nau Kơp Bunuyh 12:16

Jêh nau nây phung ƀon lan dâk hăn tă bơh Hasêrôt jêh ri ndâk ngih bok tâm bri rdah Paran.

Nau Kơp Bunuyh 13:26

Phung hăn n'hut uănh tât ma Y-Môis, Y-Arôn jêh ri ma lĕ rngôch phung Israel tâm rƀŭn tâm bri rdah Paran ta Kadês jêh ri nkoch tay lĕ nau ma bar hê khân păng jêh ri ma lĕ rngôch phung tâm rƀŭn iăt jêh ri khân păng mpơl ăn uănh kao play tă bơh n'gor nây.

Nau Kơp Bunuyh 13:3

Pôri Y-Môis prơh khân păng hăn tă bơh bri rdah Paran, tĭng nâm Yêhôva ntĭnh. Lĕ rngôch khân păng jêng kôranh ma phung ƀon lan Israel.

Nau Kơp Bunuyh 2:34

Pôri phung ƀon lan Israel ƀư di nâm nau Brah Yêhôva hŏ ntăm jêh ma Y-Môis. Khân păng ndâk ngih bok tĭng nâm ăp phung jêh ri hăn du luh tĭng nâm ăp ndŭl mpôl jêh ri noi deh khân păng nơm.”

Nau Kơp Bunuyh 9:1

Tâm khay nguay năm tal bar, jêh khân păng du luh tă bơh Êjipt, Brah Yêhôva lah ma Y-Môis tâm bri rdah Sinai pô aơ:

Nau Kơp Bunuyh 9:17

Ăp tơ̆ ndâr tŭk hao klơ bơh Ngih Bok, phung ƀon lan Israel hăn du luh; moh ntŭk ndâr tŭk nsrŭng, phung ƀon lan Israel ndâk ngih bok gŭ ta nây.

Nau Kơp Bunuyh 9:5

Phung ƀon lan Israel kah gĭt Rƀŭn Nau Găn dôl kêng măng ta nar jât ma puăn khay nguay tâm bri rdah Sinai nâm Brah Yêhôva hŏ ntăm jêh ma Y-Môis.

Nau Vay Nkah Tay 1:1

Aơ jêng lĕ nau ngơi Y-Môis lah đah lĕ rngôch phung ƀon lan Israel tâm bri rdah mpeh luh nar đah ri dak krong Yurdan, jêng ta neh lâng klơ dor tâm tra đah Supha, vah vang Paran jêh ri Tôphel, Laban, Hasêrôt jêh ri Disahap.

Nau Vay Nkah Tay 1:19

Jêh nây, tĭng nâm nau Yêhôva Brah Ndu ntăm, he luh bơh Hôrep hăn tât ta mpeh klơ dor yôk phung Amôrit, rgăn lĕ bri rdah toyh dŭt krit kir khân may hŏ saơ jêh, jêh nây he hăn tât ta Kadês Barnê.

Nau Vay Nkah Tay 1:7

Aƀaơ, hăn plơ̆ hom jêh ri hăn tay, lăp ta n'gor klơ dor yôk phung Amôrit jêh ri tâm lĕ nkual chiau meng, jêng lăp ta nkual Arabah, n'gor klơ dor yôk, nkual Sêphêla, nkual Nêgep, jêh ri n'gor kơh dak mƀŭt, hăn tât ta n'gor phung Kanaan jêh ri Liban, tât ta dak krong toyh jêng dak krong Ơphrat.

Nau Vay Nkah Tay 33:2

Păng lah: “Brah Yêhôva văch jêh bơh yôk Sinai, Sol ang ma he bơh yôk Sêir, Jêh ri sol nchrat ang bơh yôk Paran; Păng văch bơh ta nklang âk rbăn phung kloh ueh, Ŭnh nau vay luh tă bơh ti ma Păng.

I Samuel 25:1

Y-Samuel khĭt, jêh ri lĕ rngôch phung ƀon lan Israel tâm rƀŭn nhĭm vơl ma păng. Khân păng tâp păng tâm ƀon tơm ngih păng ta Rama. Jêh nau nây, Y-Đavit hăn trŭnh tâm bri rdah Paran.