Nau Kơp Bunuyh 10:10 - Nau Brah Ndu Ngơi 2023

¹⁰ Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Nau Kơp Bunuyh 10:10 ပူးပေါင်းရင်းမြစ်များ

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

II Nau Rêh Jêng 29:26

Phung Lêvi gŭ dâk djôt ndơ mprơ Y-Đavit jêh ri phung kôranh ƀư brah djôt nŭng.

II Nau Rêh Jêng 29:28

Lĕ rngôch phung tâm rƀŭn yơk mbah, phung mprơ, phung uh nŭng kŏ tât rnôk nau kan nhhơr ndơ ƀư brah gŭch lôch jêh.

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Êsra 3:10

Tơlah phung ƀư mon mbon ngih Brah Yêhôva, phung kôranh ƀư brah nsoh ao khân păng jêh ri djôt nŭng, bi ma phung Lêvi, kon sau Y-Asap djôt ching ndrup tâm nchâm dâk ta nây gay tâm rnê ma Brah Yêhôva tĭng nâm bu nau Y-Đavit, hađăch phung Israel, hŏ ntăm jêh.

Nêhêmi 12:35

jêh ri phung kon bu klâu bơh phung kôranh ƀư brah djôt nŭng uh jêng Y-Sakari, kon bu klâu Y-Jônathan, sau Y-Sêmaya, se Y-Matania, săn Y-Mikaya jêng kon bu klâu Y-Sakur, sau Y-Asap,

Nau Mprơ Ơm 150:3

Tâm rnê hom ma Păng ma bâr nŭng, Tâm rnê hom ma Păng ma dĭng rlet jêh ri ma gong rêng!

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Mprơ Ơm 81:4

Yorlah nây jêng nau vay dăp ma phung Israel, Du nau dăp bơh Brah Ndu Yakôb

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Nau Ngluh Êjipt 28:29

Kơt nây, lah lăp tâm Ntŭk Kloh Ueh, Y-Arôn mra văn ta ntơh păng amoh phung kon bu klâu Israel tâm ndơ văn ntang ntơh ma nau phat dôih, tâm ban du nau ndray ƀaƀơ tanăp Brah Yêhôva.

Nau Ngluh Êjipt 30:16

Pôri may sŏk dơn prăk ma nau chuai nau rêh phung ƀon lan Israel jêh ri dŏng prăk nây ma kan tâm Ngih Bok Nau Tâm Rƀŭn. Aơ mra jêng du nau ndray ma phung ƀon lan Israel tanăp măt Brah Yêhôva gay chuai nau rêh khân may nơm.”

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Kan Lêvi 23:24

“Ăn may ntăm hom ma phung ƀon lan Israel pô aơ: ‘Lơ nguay khay pơh jêng nar ăn ma khân may rlu, jêng du nar ndray đah tăng uh bâr nŭng, jêh ri geh du nau tâm rƀŭn kloh ueh.

Nau Kơp Bunuyh 10:9

Nôk tâm n'gor geh tâm lơh jêh ri ăn khân may hăn du luh tâm lơh tâm rdâng đah phung rlăng tŭn jot khân may, pôri khân may mra uh nŭng ăn hăn tâm lơh. Nôk nây taơ, Brah Yêhôva Brah Ndu khân may mra kah gĭt ma khân may jêh ri rklaih ma khân may luh bơh phung rlăng.

Nau Kơp Bunuyh 28:11

“Ăp tơ̆ bôk khay, ăn may nhhơr ma Brah Yêhôva bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm mâu geh ôh ntŭk mhĭk jêng ndơ ƀư brah gŭch;

Nau Kơp Bunuyh 29:1

“Ta nar năng nguay khay pơh, khân may mra geh nau tâm rƀŭn kloh ueh jêh ri mâu dơi ƀư du ntil kan vay ƀư ôh. Nĕ jêng du nar ma khân may uh nŭng.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.

I Kôrintô 15:52

tâm ƀât lât, nâm bu mƀrêh măt, tâm mông bu uh nŭng nglĕ dŭt. Yorlah nŭng mra uh, phung khĭt mra dâk rêh tay, mâu hôm blau ôm rai ôh, jêh ri he mra dơi rgâl săk jăn.

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

I Têsalônik 4:18

Pôri, khân may sŏk hom lĕ nau ngơi aơ gay bonh leng ndrăng khân may.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”

Yôsuê 6:4

Pơh nuyh kôranh ƀư brah mra djôt pơh mlâm nŭng ma nke hăn lor Hip Nau Tâm Rnglăp. Ƀiălah tât nar tal pơh, ăn khân may hăn ndăch văr jŭm ƀon pơh tơ̆, jêh ri kôranh ƀư brah mra uh nŭng.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

I Samuel 20:5

Y-Đavit plơ̆ sĭt lah ma Y-Jônathan: “Aơ, ôi taơ jêng nar rƀŭn khay mhe, gâp gŭ sông sa n'hanh du sưng ndrel hađăch. Ƀiălah dăn ma gâp du krap tâm mir ăn tât kêng măng nar tal pe.