Nau Kơp Bunuyh 10:1 - Nau Brah Ndu Ngơi 2023

¹ Brah Yêhôva lah ma Y-Môis:

Nau Kơp Bunuyh 10:1 ပူးပေါင်းရင်းမြစ်များ

Nau Ntơm 42:13

Khân păng lah: “Hên jêng phung oh mon may, jêng phung jât ma bar nuyh oh nâu, phung kon du mbơ̆, tâm n'gor Kanaan. Oh mpŏt aƀaơ gŭ ndrel ma mbơ̆ hên, bi du huê bunuyh roh hêng.”

Nau Ntơm 46:15

Nây jêng phung kon bu klâu H'Lêa deh ăn ma Y-Yakôb ta Padan-Aram, nđâp ma H'Dina kon bu ur păng. Ntop lĕ phung sau păng jêng pe jât mpe nuyh.

II Samuel 6:15

Pônây, Y-Đavit jêh ri lĕ rngôch Israel njŭn leo Hip Nau Tâm Rnglăp Brah Yêhôva plơ̆ sĭt tâm nau troh nter răm rhơn jêh ri ma bâr nŭng huy ngăn.

II Phung Hađăch 11:14

Păng saơ hađăch gŭ dâk êp meh n'gâng prêh tĭng nâm nau vay rƀŭn, geh phung kôranh jêh ri phung bunuyh uh nŭng gŭ dâk êp kêng hađăch. Lĕ rngôch phung ƀon lan tâm n'gor hâk răm da dê ta nklang bâr nŭng huy ngăn. H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr ro yơh!”

II Nau Rêh Jêng 23:13

Păng uănh saơ hađăch gŭ dâk klơ knưl ta mpông ntŭk lăp, kôranh chiă uănh toyh jêh ri phung bunuyh uh nŭng gŭ dâk êp kêng hađăch, bi lĕ rngôch phung ƀon lan tâm n'gor hâk răm uh nŭng da dê, jêh ri phung mprơ ndrel lĕ ntil gong tâm rnê da dê. Saơ pônây, H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr!”

II Nau Rêh Jêng 5:12

jêh ri lĕ mpôl mprơ tâm phung Lêvi, jêng Y-Asap, Y-Hêman, Y-Jêduthun ndrel kon bu klâu jêh ri oh nâu khân păng, nsoh bok ao ma bok mhay rhên, djôt rgu dang nteh ăn huy, gong rêng loih, jêh ri gong rêng gŭ mpeh luh nar nơng ƀư brah ndrel ma du rhiăng bar jât nuyh phung kôranh ƀư brah jêng phung uh nŭng.

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Êsra 3:10

Tơlah phung ƀư mon mbon ngih Brah Yêhôva, phung kôranh ƀư brah nsoh ao khân păng jêh ri djôt nŭng, bi ma phung Lêvi, kon sau Y-Asap djôt ching ndrup tâm nchâm dâk ta nây gay tâm rnê ma Brah Yêhôva tĭng nâm bu nau Y-Đavit, hađăch phung Israel, hŏ ntăm jêh.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Mprơ Ơm 98:6

Sŏk hom ma bâr nŭng jêh ri bâr nŭng jê̆ jêh ri gay troh maak Tanăp Hađăch nây jêng Brah Yêhôva!

Nau Kơp Bunuyh 1:52

Phung ƀon lan Israel mra ndâk ngih bok khân păng tĭng nâm ăp phung; ăp nơm gŭ tâm ngih bok êng khân păng nơm jêh ri ndâk hom tâm dâng n'ha kơ khân păng nơm.

Nau Kơp Bunuyh 10:2

“May ƀư hom bar mlâm nŭng ma prăk bu chiăr n'hơ jêh ri dŏng khân păng gay kuăl rgum phung tâm rƀŭn jêh ri ntăm ma lĕ rmlak tahan hăn du luh.

Nau Kơp Bunuyh 29:1

“Ta nar năng nguay khay pơh, khân may mra geh nau tâm rƀŭn kloh ueh jêh ri mâu dơi ƀư du ntil kan vay ƀư ôh. Nĕ jêng du nar ma khân may uh nŭng.

Nau Kơp Bunuyh 7:2

Jêh nây, phung kôranh chiă uănh Israel, jêng phung kôranh ndŭl mpôl, phung kôranh ndŭl mpôl hŏ sâm dơn kơp rnoh bunuyh da dê djôt leo nhhơr ndơ nhhơr păng nơm.

Nau Kơp Bunuyh 9:23

Phung ƀon lan Israel ndâk ngih bok tĭng nâm nau Brah Yêhôva ntăm jêh ri khân păng hăn du luh tĭng nâm nau ntăm Brah Yêhôva. Khân păng ăt tông nau ntăm Brah Yêhôva, tĭng nâm Brah Yêhôva hŏ ntăm jêh ma Y-Môis.’”

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Yôsuê 6:4

Pơh nuyh kôranh ƀư brah mra djôt pơh mlâm nŭng ma nke hăn lor Hip Nau Tâm Rnglăp. Ƀiălah tât nar tal pơh, ăn khân may hăn ndăch văr jŭm ƀon pơh tơ̆, jêh ri kôranh ƀư brah mra uh nŭng.

Nau Tâm Mpơl 8:2

Gâp saơ pơh nuyh tông mpăr dâk tanăp Brah Ndu, jêh ri bu ăn ma khân păng pơh mlâm nŭng.

Phung Kôranh Phat Dôih 7:20

Nôk nây, pe phung tahan uh nŭng, jêh ri mbang nchah yăng. Ti chiau djôt ŭnh chai, ti ma djôt nŭng gay uh, khân păng troh: “Tŏk hom đao yor Brah Yêhôva jêh ri yor Y-Gidêôn!”