Nau Kơp Bunuyh 1:53 - Nau Brah Ndu Ngơi 2023

⁵³ Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.

Nau Kơp Bunuyh 1:53 ပူးပေါင်းရင်းမြစ်များ

I Nau Rêh Jêng 23:32

Khân păng tâm ban đŏng djôt kan chiă uănh Ngih Bok Nau Tâm Rƀŭn jêh ri Ntŭk Kloh Ueh, jêh nây kơl phung kon sau Y-Arôn, jêng phung oh nâu khân păng, gay pah kan tâm ngih Brah Yêhôva.

II Nau Rêh Jêng 13:10

Ƀiălah ma phung hên, Yêhôva ăt jêng Brah Ndu hên, hên mâu chalơi Păng ôh. Phung kôranh ƀư brah, jêng phung kon sau Y-Arôn, pah kan ma Brah Yêhôva da dê, jêh ri phung Lêvi djôt nau kan khân păng.

II Nau Rêh Jêng 13:11

Ăp ôi ơm jêh ri mhaơ, khân păng nhhơr ndơ ƀư brah gŭch jêh ri gŭch ndơ ƀâu kah ma Brah Yêhôva. Khân păng dăp đŏng piăng let nhhơr ta klơ nơng mah kloh, mpoh lĕ ŭnh kađen ta klơ jâng kađen mah ang mro tâm ăp măng. Yorlah hên djôt prăp nau Yêhôva Brah Ndu hên ntăm jêh, bi khân may lĕ chalơi jêh.

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Nau Kơp Bunuyh 1:50

ƀiălah ntĭm hom ma phung Lêvi chiă uănh Ngih Bok Nau Tâm Rnglăp, lĕ rngôch ndơ dŏng jêh ri lĕ rngôch ndơ dŏng prăp tâm Ngih Bok nây. Khân păng mra trơn Ngih Bok jêh ri lĕ rngôch ndơ ta nây, tâm ban đŏng mât uănh jêh ri ndâk ngih bok gŭ jŭm Ngih Bok.

Nau Kơp Bunuyh 1:54

Phung ƀon lan Israel ƀư di tĭng lĕ nau Brah Yêhôva hŏ ntĭnh ntăm jêh Y-Môis.”

Nau Kơp Bunuyh 16:46

jêh nây Y-Môis lah ma Y-Arôn: “Sŏk hom khăl gŭch ƀâu kah may, dơm ŭnh tă bơh nơng ƀư brah tâm nây jêh ri dơm ndơ ƀâu kah tâm nây, djôt leo gơnh gơnh ma phung tâm rƀŭn gay ƀư nau rƀŭn chuai nau tih ma khân păng, yorlah nau ji nuih tă bơh Brah Yêhôva jêh ri nau tât mhĭk ntơm jêh.”

Nau Kơp Bunuyh 16:9

Brah Ndu phung Israel hŏ prăp êng jêh khân may bơh phung Israel tâm rƀŭn, jêh ri djôt leo khân may hăn dăch Păng, gay ƀư kan tâm Ngih Bok Brah Yêhôva, jêh ri pah kan tanăp phung tâm rƀŭn. Nau pah kan ma khân păng jêng jê̆ lĕ?

Nau Kơp Bunuyh 17:7

Y-Môis dơm lĕ rngôch mâng jra nây tanăp Brah Yêhôva tâm Ngih Bok Nau Tâm Rnglăp.

Nau Kơp Bunuyh 2:17

Jêh nây, Ngih Bok Nau Tâm Rƀŭn jêh ri rmlak tahan Lêvi mra hăn ta nklang phung rmlak tahan êng. Rmlak tahan Lêvi mra hăn du luh tâm groi lor nglĕ hŏ ndâk ngih bok jêh, ăp nơm tĭng nâm ăp phung tâm dâng n'ha kơ khân păng.

Nau Kơp Bunuyh 3:23

Phung ndŭl mpôl Gersôn ndâk ngih bok mpeh pa dâng, gŭ pakơi Ngih Bok.

Nau Kơp Bunuyh 3:29

Lĕ ndŭl mpôl phung kon sau Kôhat ndâk ngih bok ta mpeh tâm rđŭng Ngih Bok.

Nau Kơp Bunuyh 3:35

Kôranh ndŭl mpôl Mêrari jêng Y-Suriel, kon bu klâu Y-Abihai. Phung kon sau Mêrari ndâk ngih bok ta mpeh dor Ngih Bok.

Nau Kơp Bunuyh 3:38

Phung ndâk ngih bok panăp Ngih Bok mpeh luh nar, panăp Ngih Bok Nau Tâm Rƀŭn mpeh luh nar jêh, jêng Y-Môis, Y-Arôn jêh ri phung kon bu klâu păng. Khân păng djôt kan chiă uănh ntŭk kloh ueh ntrok an ma phung ƀon lan Israel. Phung êng hăn dăch nây mra khĭt.

Nau Kơp Bunuyh 31:30

Bi du n'gul ri ma phung ƀon lan Israel, ăn may sŏk du kô̆ tâm prăm jât, mâu lah bunuyh mâu lah ndrôk mâu lah seh bri mâu lah biăp, jêng lĕ rngôch mpô mpa rong, jêh ri jao ma phung Lêvi, jêng phung sâm dơn djôt kan chiă uănh Ngih Bok Brah Yêhôva.”

Nau Kơp Bunuyh 31:47

Tâm du n'gul nây jêng ndơ ma phung ƀon lan Israel, Y-Môis sŏk du kô̆ prăm jât tă bơh bunuyh mâu lah mpô mpa rong jêh ri jao ma phung Lêvi, jêng phung geh nau kan djôt kan chiă uănh Ngih Bok Brah Yêhôva di tĭng nâm Brah Yêhôva ntĭnh jêh ma Y-Môis.

Nau Kơp Bunuyh 8:19

Tă bơh ta nklang phung ƀon lan Israel, Gâp hŏ ăn jêh phung Lêvi jêng ndơ ăn ma Y-Arôn jêh ri ma phung kon bu klâu păng gay ƀư nau kan phung ƀon lan Israel ta Ngih Bok Nau Tâm Rƀŭn, jêh ri ƀư nau rƀŭn chuai nau tih ma phung ƀon lan Israel, gay khân păng mâu mra geh ôh nau mhĭk nôk khân păng hăn dăch ntŭk kloh ueh.”

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

I Samuel 6:19

Brah Yêhôva rmal phung Bet-Sêmes, yorlah khân păng hŏ uănh jêh tâm trôm Hip Nau Tâm Rnglăp Brah Yêhôva. Păng nkhĭt pơh jât nuyh phung ƀon lan. Phung ƀon lan nhĭm nhhiăng yorlah Brah Yêhôva nkhŭt jêh du nau tât toyh ta klơ khân păng.