Nau Kơp Bunuyh 1:46 - Nau Brah Ndu Ngơi 2023

⁴⁶ rnoh kơp jêng prao rsen pe rbăn prăm rhiăng prăm jât nuyh.

Nau Kơp Bunuyh 1:46 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

Nau Ntơm 17:6

Gâp mra ăn may geh bĭk rơ̆ dŭt âk, tă bơh may mra luh âk phung ƀon lan, jêh ri phung hađăch mra luh tă bơh may đŏng.

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

II Samuel 24:9

Y-Jôap mbơh ma hađăch rnoh kơp phung ƀon lan hŏ dơi kơp: Tâm phung Israel geh pham rsen bunuyh janh ktang dơi djôt đao, jêh ri tâm phung Yuđa geh prăm rsen nuyh.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Nau Rêh Jêng 21:5

Y-Jôap mbơh ma Y-Đavit lĕ rngôch phung ƀon lan kơt aơ: Tâm lĕ n'gor Israel geh du rkeh ma du rsen bunuyh dơi djôt đao; tâm Yuđa geh puăn rsen pơh rmưn dơi djôt đao.

II Nau Rêh Jêng 13:3

Y-Abija dâk hăn tâm lơh ndrel puăn rsen bunuyh tahan ngăch prăl, jêng phung tahan janh ktang; bi Y-Jêrôbôam djôt leo pham rsen bunuyh tahan ngăch prăl, ăt jêng phung tahan janh ktang, hăn tâm lơh.

Nau Ngluh Êjipt 12:37

Phung ƀon lan Israel hăn ntơm bơh Ramsê tât ta Sukôt; klăp lah prao rsen bu klâu brô̆ jâng, mâu kơp ôh phung bu ur jêh ri phung kon se.

Nau Ngluh Êjipt 38:26

Lĕ rngôch tâm phung kơp rnoh bunuyh ntơm bơh bar jât năm let klơ, jêng prao rhiăng ma pe rbăn prăm rhiăng prăm jât nuyh, ăp bunuyh chê̆ prao gram, tĭng nâm ndơ nhueh bơh Ntŭk Kloh Ueh.

Nau Kơp Bunuyh 1:45

Kơt nây, lĕ rngôch bunuyh ƀon lan Israel hŏ kơp jêh tĭng nâm noi deh, ntơm bơh bar jât năm leo klơ, jêng lĕ rngôch bunuyh Israel dơi hăn nau tâm lơh,

Nau Kơp Bunuyh 11:21

Y-Môis ơh: “Gâp dôl dâk ta nklang phung ƀon lan geh prao rhiăng rbăn bu klâu jêh ri May lah pô aơ: ‘Gâp mra ăn puăch ma khân păng sa lĕ du khay.’

Nau Kơp Bunuyh 14:29

Săk jăn khân may khĭt mra cha lôt tâm bri rdah aơ. Lĕ rngôch hŏ kơp dơi jêh ntơm bơh bar jât năm leo klơ, jêng phung ngơi ƀrôk jêh đah Gâp,

Nau Kơp Bunuyh 2:32

Nây jêng phung ƀon lan Israel bu hŏ kơp jêh tĭng nâm ăp ndŭl mpôl khân păng. Lĕ rngôch phung tâm lĕ rmlak tahan hŏ kơp jêh tĭng nâm ăp phung jêng prao rsen pe rmưn prăm rhiăng prăm jât nuyh.

Nau Kơp Bunuyh 23:10

Mbu dơi kơp ndruyh choih Y-Yakôb? Mbu dơi kơp du kô̆ tâm puăn Israel? Ăn gâp dơi khĭt ma đah nau khĭt nơm sŏng srăng; Ăn gâp rai lôch tâm ban ma khân păng!”

Nau Kơp Bunuyh 26:51

Rnoh kơp phung ƀon lan Israel hŏ kơp dơi jêng prao rsen du rbăn pơh rhiăng pe jât nuyh.

Nau Vay Nkah Tay 10:22

Nôk phung chô yau khân may jŭr ta n'gor Êjipt gay dơi rêh geh knŏng pơh jât nuyh, jêh ri aƀaơ Yêhôva Brah Ndu khân may hŏ ƀư jêh ăn khân may bĭk âk nâm bu mănh tâm trôk.”