Nau Kơp Bunuyh 1:1 - Nau Brah Ndu Ngơi 2023

¹ Nar năng nguay khay bar năm tal bar, jêh phung ƀon lan Israel luh bơh Êjipt, Brah Yêhôva ngơi ma Y-Môis ta Ngih Bok Nau Tâm Rƀŭn tâm bri rdah Sinai pô aơ:

Nau Kơp Bunuyh 1:1 ပူးပေါင်းရင်းမြစ်များ

I Phung Hađăch 6:1

Tâm năm puăn rhiăng pham jât, kơp ntơm bơh nôk phung ƀon lan Israel lĕ du luh jêh bơh Êjipt, jêng tâm năm rơh puăn Y-Salômôn chiă uănh phung Israel, tâm khay Sivơ, ntĭt jêng khay rơh bar, hađăch ntơm ndâk ngih Brah gay yơk mbah Brah Yêhôva.

Nau Ngluh Êjipt 19:1

Tâm khay tal pe kơp ntơm nôk khân păng luh bơh n'gor Êjipt, ta nar nây yơh phung ƀon lan Israel tât ta bri rdah Sinai.

Nau Ngluh Êjipt 19:2

Hăn ntơm bơh Rêphidim, khân păng tât ta bri rdah Sinai, jêh ri khân păng ndâk ngih bok tâm bri rdah. Ta nây, phung Israel ndâk ngih bok tra năp yôk.

Nau Ngluh Êjipt 25:22

Gâp mra mâp may ta nây; ntơm bơh klơ ndrŭp nau yô̆, ta nklang bar chêrubim gŭ ta klơ Hip Nau Tâm Rnglăp, Gâp mra ntĭnh ma may dĭng lĕ nau ntăm ƀư ma phung ƀon lan Israel.”

Nau Ngluh Êjipt 40:17

Ta nar năng nguay khay nguay năm tal bar, Ngih Bok hŏ ndâk jêh.

Nau Ngluh Êjipt 40:2

“Ta nar năng nguay tâm khay nguay, ăn may ndâk Ngih Bok, jêng Ngih Bok Nau Tâm Rƀŭn.

Kan Lêvi 1:1

Brah Yêhôva tă bơh tâm Ngih Bok Nau Tâm Rƀŭn kuăl Y-Môis jêh ri ngơi:

Kan Lêvi 27:34

Nây jêng nau vay Brah Yêhôva ntăm đă Y-Môis ntăm tay ma phung ƀon lan Israel ta klơ yôk Sinai.

Nau Kơp Bunuyh 1:18

jêh ri kuăl rgum phung tâm rƀŭn tât ta nar năng nguay khay bar. Khân păng nchih amoh băl mpôl ăp bunuyh tĭng ăp ndŭl mpôl jêh ri rnăk vâl ntơm bơh bar jât năm leo klơ.

Nau Kơp Bunuyh 12:4

Ƀât lât Brah Yêhôva lah ma Y-Môis, ma Y-Arôn jêh ri ma H'Miriam pô aơ: “Lĕ pe nuyh văch hom Ngih Bok Nau Tâm Rƀŭn.” Jêh ri lĕ pe khân păng hăn tât da dê.

Nau Kơp Bunuyh 9:1

Tâm khay nguay năm tal bar, jêh khân păng du luh tă bơh Êjipt, Brah Yêhôva lah ma Y-Môis tâm bri rdah Sinai pô aơ:

Nau Vay Nkah Tay 1:3

Tâm nar năng nguay khay jât nguay năm tal puăn jât, Y-Môis ngơi ma phung ƀon lan Israel lĕ rngôch nau Brah Yêhôva ntĭnh jêh ma păng gay nkoch mbơh ma khân păng.

Nau Vay Nkah Tay 2:14

Nau jŏ ntơm bơh he du tă bơh Kadês Barnê tât nôk he găn dak n'hor Sêret jêng pe jât pham năm. Tâm rnôk nây, lĕ phung tahan rô̆ nây bu hŏ ƀư rai jêh bơh rmlak tahan, tĭng nâm Brah Yêhôva hŏ ton jêh ma khân păng.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’