Nau Hôr 9:7 - Nau Brah Ndu Ngơi 2023

⁷ Mbu nơm nkra nti bunuyh mưch mra sŏk dơn nau bêk prêng ma păng nơm; Jêh ri mbu nơm nduyh bunuyh janh ƀai mra sŏk dơn nau ƀơ̆ ƀơch.

Nau Hôr 9:7 ပူးပေါင်းရင်းမြစ်များ

I Phung Hađăch 18:17

Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 22:24

Nôk nây, Y-Sêdêkia, kon Y-Kênana, hăn văch dăch jêh ri tap ta bom Y-Mika jêh ri ôp: “Mbah tă trong Huêng Brah Yêhôva luh du bơh gâp gay tât ngơi đah may?”

I Phung Hađăch 22:27

jêh ri ntĭnh khân păng nây lah: ‘Hađăch lah: Krŭng hom bunuyh aơ tâm ndrung, knŏng siăm păng ma piăng let jêh ri dak gay păng rêh, kŏ tât nôk gâp plơ̆ sĭt đăp mpăn.’”

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Ndrom Samƀŭt bơh Yôp 5:17

Ueh maak ngăn ma bunuyh Brah Ndu nduyh! Pôri lơi may uănh dơm dam nau nduyh nkra Nơm Geh Lĕ Nau Brah.

Nau Hôr 13:1

Kon blau mĭn iăt nau mbơ̆ ntĭm nti, Ƀiălah bunuyh mưch mâu ŭch iăt ôh nau nduyh.

Nau Hôr 15:12

Phung dăng mưch mâu ŭch ôh nau bu nduyh nkra; Păng mâu ŭch văch ôh ndrel bunuyh blau mĭn.

Nau Hôr 23:9

Lơi ngơi ôh tâm tôr bunuyh rluk, Yorlah păng mra mưch ma nau ngơi blau mĭn may ngơi.

Êsai 36:21

Khân păng gŭ rklăk, mâu plơ̆ sĭt lah du play ngơi ôh, yorlah hađăch ntăm jêh: “Khân may lơi plơ̆ lah ma păng ôh.”