Nau Hôr 9:12 - Nau Brah Ndu Ngơi 2023

¹² Tơlah may blau mĭn jêng khlay ma may nơm, Tơlah may dăng mưch jêng du huê may nơm mra dơn mbăk play mhĭk.

Nau Hôr 9:12 ပူးပေါင်းရင်းမြစ်များ

Ndrom Samƀŭt bơh Yôp 19:4

Nđâp lah gâp geh nau tih ngăn, Pôri nau tih nây knŏng geh êng ma du huê gâp.

Ndrom Samƀŭt bơh Yôp 22:21

Pônây, tâm rnglăp hom ma Brah Ndu jêh ri mra gŭ đăp mpăn ndrel Păng, Pôri nau ueh maak mra tât ma may.

Nau Hôr 14:14

Bunuyh plơ̆ ƀư tih mra dơn play mhĭk tĭng trong păng, Bi bunuyh ueh mra dơn play ueh bơh kan păng ƀư.

Nau Hôr 16:26

Ndŭl ji ngot ƀư ăn khân păng pah kan, Mbung ŭch sa ntrôl khân păng mra kan.

Nau Hôr 19:29

Nau tâm rmal hŏ prăp rơm jêh ma phung mưch, Mâng rvĕ rpăt ndrăp rơm ăn ma ndŭr kơi phung rluk.

Êsai 28:22

Yor nây aƀaơ aơ, lơi hôm mưch ôh, Klach lah rse kât khân may lơ hâu rêt tay; Yorlah gâp tăng jêh nau ntăm mra ƀư rai lam bri dak aơ. Bơh Kôranh Brah Yêhôva ma phung tahan.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Sakari 12:14

lĕ rngôch phung mpôl hôm e, ăp mpôl êng êng jêh ri phung êng, jêh ri phung ur kon khân păng êng êng đŏng.”

Galati 6:5

Yorlah ăp nơm mra anh nau jâk jêr păng nơm.

II Pêtrôs 3:16

Tâm lĕ rngôch samƀŭt, păng ngơi ma lĕ nau aơ. Lĕ samƀŭt păng nchih geh ƀaƀă nau jêr gĭt rbăng, jêh ri phung rluk jêh ri mâu nâp hŏ nsak nkhăng, tâm ban ma khân păng ƀư jêh ma lĕ ntŭk êng tâm Nau Brah Ndu Ngơi, gay sŏk dơn nau ƀư rai ma khân păng nơm.