Nau Hôr 9:11 - Nau Brah Ndu Ngơi 2023

¹¹ Yor ma gâp, lĕ nar may rêh mra dơi ntop âk lơn, Jêh ri mra ntop năm may gŭ rêh.

Nau Hôr 9:11 ပူးပေါင်းရင်းမြစ်များ

Nau Hôr 10:27

Nau klach yơk ma Brah Yêhôva ntop jŏ nar khay gŭ rêh, Bi năm gŭ rêh ma phung mhĭk mra n'hŭch lơi ăn ƀhôi.

Nau Hôr 3:16

Ti ma nau blau mĭn djôt kuăn nau rêh jong, Bi ti chiau geh nau ndrŏng kuăng jêh ri lư n'găr.

Nau Hôr 3:2

Yorlah păng mra ăn may dơi ntop âk năm gŭ rêh, Jêh ri dơi geh nau geh jêng lư n'găr.

Nau Hôr 9:6

Chalơi hom nau rluk mra dơi rêh, Jêh ri chuat hom tĭng trong nau gĭt rbăng.”

Nau Vay Nkah Tay 11:21

gay moh nar lĕ ndâr trôk hôm nkŭm klơ neh, pôri khân may jêh ri phung kon sau khân may hôm gŭ dơi rêh tâm n'gor Brah Yêhôva hŏ ton jêh ăn ma phung chô yau khân may.

Nau Vay Nkah Tay 30:19

Nar aơ, gâp kuăl trôk jêh ri neh jêng nơm mbơh pô aơ gâp hŏ dơm jêh tanăp măt khân may nau rêh jêh ri nau khĭt, nau ueh lăng jêh ri nau rak rtăp. Pôri săch hom nau rêh, gay ma khân may jêh ri noi deh khân may dơi rêh.

Nau Vay Nkah Tay 6:2

Bơh nây, gay khân may, phung kon sau khân may du njăr rêh mra klach yơk ma Yêhôva Brah Ndu khân may, djôt prăp lĕ nau vay dăp jêh ri nau vay ntăm bơh Păng jêng nau gâp ntĭnh ma khân may, gay ma khân may dơi rêh jŏ năm.