Nau Hôr 9:10 - Nau Brah Ndu Ngơi 2023

¹⁰ Nau klach yơk ma Brah Yêhôva, nây jêng tơm ma nau blau mĭn, Nau gĭt năl Nơm Kloh Ueh, nây jêng nau gĭt rbăng.

Nau Hôr 9:10 ပူးပေါင်းရင်းမြစ်များ

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 34:12

Mbu nơm rŏng ma nau rêh, Jêh ri ŭch gŭ rêh jŏ năm geh nau ueh maak?

Nau Hôr 1:7

Nau klach yơk ma Brah Yêhôva jêng tơm ma nau gĭt rbăng, Bi phung rluk tâm rmot ma nau blau mĭn jêh ri nau ntĭm nti.

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Nau Hôr 30:3

Gâp mâu hŏ geh nti nau blau mĭn, Jêh ri mâu hŏ nti nau blau mĭn bơh Nơm Kloh Ueh.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.