Nau Hôr 8:23 - Nau Brah Ndu Ngơi 2023

²³ Bu hŏ njêng Gâp ntơm bơh kăl e dŭt ngăn, Ntơm saơm, êlor geh rplay neh.

Nau Hôr 8:23 ပူးပေါင်းရင်းမြစ်များ

Nau Ntơm 1:26

Brah Ndu lah: “Ăn He njêng bunuyh tĭng nâm rup He jêh ri tâm ban ma He Nơm, gay ăn khân păng chiă uănh lĕ ntil ka tâm dak mƀŭt, lĕ ntil sĭm klơ trôk, lĕ ntil mpô mpa rong, jêh ri lam neh, ndrel ma lĕ rngôch ntil mpa vơr ta neh.”

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Hôr 4:7

Nau blau mĭn jêng du ntil nau khlay rlau lơn, joi hom nau blau mĭn; Dŏng hom ma lĕ ndơ may geh gay rvăt nau gĭt rbăng.

Mika 5:1

Hơi Ƀêtlêhem Êphrata, May gŭ tâm nklang rbăn Yuđa jêng jê̆ ngăn, Ƀiălah tă bơh may, Mra deh du huê Nơm chiă uănh ta Israel; Păng geh tơm bơh rnôk kăl e, Bơh ntơm saơm n'ho ro.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 17:5

Ơ Mbơ̆! Aƀaơ aơ, dăn sŏk nau chrêk rmah Gâp ơm geh ndrel ma Mbơ̆ nơm êlor njêng neh ntu gay tâm rnê Kon tanăp Mbơ̆.