Nau Hôr 8:20 - Nau Brah Ndu Ngơi 2023

²⁰ Gâp chuat tĭng tâm trong nau sŏng srăng, Gŭ tâm trong di,

Nau Hôr 8:20 ပူးပေါင်းရင်းမြစ်များ

Nau Mprơ Ơm 23:3

Păng ăn gâp sĭt n'hâm suan Njŭn gâp hăn tâm trong sŏng srăng, Ma yor amoh Păng.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Hôr 2:20

Nau blau mĭn mra ƀư ăn may hăn tâm trong bunuyh ueh Jêh ri tĭng ndô̆ trong phung sŏng srăng.

Nau Hôr 2:9

Nôk nây may mra gĭt rbăng nau sŏng srăng jêh ri nau di, Nau sŏng jêh ri lĕ rngôch trong ueh.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Nau Hôr 6:22

Lah may chuat hăn, păng mra njŭn leo may; Dôl may bê̆ch, păng mra mât njrăng may; Jêh ri tơlah may kah rngăl, păng mra nkoch bri đah may.

Nau Hôr 8:19

Kao play gâp jêng ueh lơn mah, rlau lơn ma mah kloh, Kao play gâp khlay rlau lơn prăk chrêk.

Nau Hôr 8:21

Gay ăn drăp ndơ ma phung rŏng ma gâp, Jêh ri ƀư bêng lĕ jay drăp khlay khân păng.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Yôhan 10:3

Bunuyh gak njrăng pơk mpông jêh ri biăp tăng bâr bunuyh rmăk biăp. Bunuyh rmăk biăp kuăl amoh biăp păng nơm jêh ri njŭn leo luh padih.

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”