Nau Hôr 8:11 - Nau Brah Ndu Ngơi 2023

¹¹ Yorlah nau blau mĭn geh rnoh khlay lơn ma lŭ khlay, Lĕ rngôch ndơ khlay mâu dơi ban rnoh khlay păng.

Nau Hôr 8:11 ပူးပေါင်းရင်းမြစ်များ

Nau Mprơ Ơm 119:103

Nau May ngơi jêng njŭng mpiăt gâp hâu ngăn! Nanê̆ njŭng lơn ma dak sŭt tâm trôm mbung gâp!

Nau Mprơ Ơm 119:127

Gâp rŏng ma nau vay May ntăm rlau lơn ma mah, Rlau lơn ma mah kloh.

Nau Mprơ Ơm 119:72

Nau vay tă bơh bâr mbung May ntĭnh ntăm Jêng khlay ngăn ma gâp rlau ma âk rbăn mah jêh ri prăk.

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 20:15

Geh mah jêh ri âk lŭ khlay, Ƀiălah mpiăt blau mĭn jêng ndơ khlay ngăn ngên.

Nau Hôr 31:10

Mbu nơm mra dơi joi du huê ur gĭt mleh? Nau khlay păng rlau lơn ma lŭ rsang.

Nơm Nti 7:11

Nau blau mĭn di khlay nâm bu dơn drăp ndơn, Jêh ri djôt tay nau khlay ăn ma phung bunuyh saơ nar.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Nau Vay Nkah Tay 30:13

Păng mâu lĕ gŭ kơh tê̆ dak mƀŭt gay khân may ôp: ‘Mbu mra hăn rgăn kơh tê̆ dak mƀŭt jêh ri djôt leo păng sĭt ma hên, gay ma hên dơi tăng jêh ri tĭng kơt?’