Nau Hôr 7:21 - Nau Brah Ndu Ngơi 2023

²¹ Bu ur nây dŏng lĕ nau ngơi ueh ndơm nơm nây, Ƀư păng tŭp nuih n'hâm yor ma nau ngơi njĭp.

Nau Hôr 7:21 ပူးပေါင်းရင်းမြစ်များ

II Phung Hađăch 4:8

Du nar ri, Y-Êlisê hăn rlet ma Sunem. Ta nây geh du huê bu ur ndrŏng ngăn, jêh ri bu ur nây srôih jă păng gŭ sông sa. Ntơm bơh nây, ăp tơ̆ păng hăn rgăn trong nây, păng veh lăp ƀaƀơ ta ngih bu ur nây gay sông sa.

Nêhêmi 6:4

Khân păng prơh nơm hăn lah ma gâp puăn tơ̆ nâm bu nây lĕ jêh ri ăp tơ̆ gâp plơ̆ lah ma khân păng tâm ban dơm.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Hôr 5:3

Yorlah mbung bu ur văng tĭr luh njŭng dak sŭt, Mbung mpiăt păng mbĭr lơn ma dak ngi;

Nau Hôr 6:24

Gay mât may klaih bơh bu ur djơh mhĭk Jêh ri klaih bơh nau njŭng bu ur văng tĭr.

Nau Hôr 7:22

Păng gơnh ro tĭng bu ur nây, Nâm bu du mlâm ndrôk leo tât ntŭk bu gŭch, Nâm bu du huê bunuyh rluk bu nkông hăn dơn nau tâm rmal;

Nau Hôr 7:5

Gay ma păng mât may bơh bu ur văng tĭr, Bơh bu ur bu năch ngơi nau njŭng kah.

Luka 14:23

Kôranh ngih lah ma oh mon: ‘Hăn luh hom padih trong jêh ri rgŏ n'gar nchâp jă bu lăp ăn bêng ngih gâp.

Luka 24:29

Ƀiălah khân păng nchâp Păng: “Gŭ ndrel ma hên, yorlah trôk hŏ kêng mhaơ jêh ri nar dăch kêng măng jêh.” Pôri, Păng lăp gŭ ndrel ma khân păng.

Kôranh Oh Mon 16:15

Tơlah păng dơn nau ƀaptem jêh ndrel ma phung tâm ngih păng, H'Lidi jă hên: “Tơlah khân may mĭn ma gâp răp jăp đah Kôranh Brah, dăn lăp gŭ hom tâm ngih gâp.” Jêh ri păng nchâp hên lăp.

II Kôrintô 5:14

Yorlah nau rŏng Brah Krist ntrôl hên, jêh ri hên mĭn, tơlah du huê khĭt jêh ma lĕ rngôch bunuyh, lĕ rngôch bunuyh khĭt da dê jêh.

Phung Kôranh Phat Dôih 14:17

Dôl pơh nar nau nhêt sa, păng ăt nhĭm tanăp păng. Nar năng pơh, păng rblang ma păng, yorlah păng ăt bonh leng păng. Jêh nau nây, păng rblang nau nchroh n'hôr nây ma phung băl păng.

I Samuel 28:23

Y-Sôl dun jêh ri lah: “Gâp mâu mra sông sa ôh.” Ƀiălah phung oh mon păng nđâp bu ur nây nchâp păng ngăn pôri hađăch iăt nau khân păng. Hađăch dâk tă tâm neh jêh ri hao gŭ klơ sưng.