Nau Hôr 7:12 - Nau Brah Ndu Ngơi 2023

¹² Lah gŭ tâm trong sâng, geh tơ̆ ntŭk tăch drăp, Gŭ kâp moch bu tâm ăp njônh trong.

Nau Hôr 7:12 ပူးပေါင်းရင်းမြစ်များ

Nau Hôr 23:28

Păng dâk moch nâm bu du huê nơm ntŭng, Ƀư lơ hâu ntop âk nơm mâu geh răp jăp tâm kon bunuyh.

Nau Hôr 7:8

Păng hăn rgăn ta njônh trong dăch kêng ngih bu ur văng tĭr; Jêh nây hăn let ma ngih bu ur nây,

Nau Hôr 9:14

Păng gŭ panăp bôk mpông ngih păng nơm, Klơ rnơl gŭ ntŭk prêh tâm ƀon,

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:33

May hŏ blau ngăn ntĭm trong Gay tĭng joi nau rŏng! May hôm nti lĕ trong nây Ăn ma lĕ phung bu ur ƀai.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 3:2

N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Êsêkiêl 16:31

dôl ay ndâk nơng ƀư brah ta ntŭk lĕ rngôch tơm trong, ƀư ntŭk prêh klơ tâm ăp nkual toyh. Knŏng êng ay bu ur văng tĭr tăch săk mâu sŏk prăk ôh.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.

Nau Tâm Mpơl 18:3

Yorlah lĕ ntil mpôl bunuyh nhêt ndrănh pâl rlưn rlau keh păng mâu jan tĭng nau vay, Phung hađăch ta neh ntu ƀư tih văng tĭr đah păng jêh, Phung tăch rgâl ta neh ntu jêng ndrŏng yor tă bơh nau păng gŭ rêh dŭt mpŭng.”