Nau Hôr 7:10 - Nau Brah Ndu Ngơi 2023

¹⁰ Ri, bu ur luh vơt nơm nây, Nsoh nkrơ̆ nâm bu du huê bu ur văng tĭr, nuih n'hâm bêng ma nau plăch rlăm.

Nau Hôr 7:10 ပူးပေါင်းရင်းမြစ်များ

Nau Ntơm 3:1

Tâm lĕ rngôch mpô mpa bri Yêhôva Brah Ndu njêng jêh, bêh jêng mpa ƀlăch ƀlêr lơn. Bêh lah ma bu ur: “Ngăn Brah Ndu hŏ ntĭnh jêh ma khân may mâu dơi sa play tơm si tâm n'gar trao bơh?”

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Phung Hađăch 9:30

Jêh nau nây, Y-Jêhu tât ta Jesrêel. Tơlah H'Jêsêbel tăng nau nây, păng mhĭng măt păng, nkrơ̆ sŏk bôk păng, jêh nây gŭ uănh bơh mpông bloh.

Nau Hôr 23:28

Păng dâk moch nâm bu du huê nơm ntŭng, Ƀư lơ hâu ntop âk nơm mâu geh răp jăp tâm kon bunuyh.

Êsai 23:16

“Ơ bu ur văng tĭr bu chuêl jêh! Sŏk gong rêng nsong hom jŭm ƀon, Kreh hom ăn ueh, mprơ hom ăn âk, Gay ma bu kah gĭt ma ay!”

Yêrêmi 4:30

Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

I Timôthê 2:9

Gâp ŭch đŏng ăn ma phung bu ur ndơ nkrơ̆ pô aơ ma nau di, nkrơ̆ di keh jêh ri di đah nau vay gŭ ngao, mâu păch sŏk rlau keh ir mâu lah dok văn mah, lŭ khlay mâu lah nsoh kho ao khlay prăk,