Nau Hôr 7:1 - Nau Brah Ndu Ngơi 2023

¹ Hơi kon gâp, djôt prăp hom nau gâp ngơi Jêh ri sŏk prăp tâm nuih n'hâm may nau vay ntăm bơh gâp.

Nau Hôr 7:1 ပူးပေါင်းရင်းမြစ်များ

Ndrom Samƀŭt bơh Yôp 22:22

Sŏk dơn hom nau vay tă bơh trôm mbung Păng, Nchih prăp nau Păng ngơi tâm nuih n'hâm may.

Nau Hôr 1:8

Hơi kon gâp, iăt hom nau mbơ̆ ntĭm nti, Lơi ta dun ôh nau mê̆ may nti;

Nau Hôr 10:14

Phung blau mĭn prăp nkrem nau blau mĭn âk, Mbung phung rluk djôt nau ƀư rai văch dăch.

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Nau Hôr 4:21

Lĕ nau ngơi nây lơi ta ăn du ngai ôh đah măt may, Djôt prăp hom tâm nuih n'hâm may mro mrăng.

Nau Hôr 5:5

Bar đah jâng nơm văng tĭr hăn lăp nau khĭt; Lĕ nhuat păng trŭnh rlet ƀon phung khĭt.

Nau Hôr 6:20

Hơi kon gâp, djôt prăp hom nau mbơ̆ may ntăm, Lơi ta chalơi ôh lĕ nau mê̆ may nti.

Nau Hôr 6:35

Păng mâu mra dơn ôh lĕ drăp khlay bu jan dôih, Nđâp lah may ăn âk ma păng kŏ mâu dơn đŏng.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 15:20

Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.

Nau Vay Nkah Tay 11:28

mâu lah khân may mra geh nau rak rtăp tơlah khân may mâu tông ôh lĕ nau vay Yêhôva Brah Ndu ntăm, ƀiălah khân may teng bơh trong gâp lĕ ntĭnh ma khân may nar aơ, gay hăn tĭng phung brah êng khân may mâu mâp gĭt năl ôh.

Nau Tâm Mpơl 1:3

Ueh maak yơh ma bunuyh răk ndrel ma phung tăng nau mbơh lor aơ jêh ri djôt prăp lĕ nau bu nchih jêh tâm nây, yorlah mông nar dăch tât.

Nau Tâm Mpơl 22:9

Ƀiălah tông mpăr lah ma gâp: “Lơi ƀư nâm nđĕ! Gâp jêng nơm pah kan ndrel ma may, ndrel ma phung oh nâu may jêng phung nơm mbơh lor, jêh ri ndrel ma phung djôt prăp nau ngơi tâm ndrom samƀŭt aơ. Yơk mbah hom ma Brah Ndu.”