Nau Hôr 6:29 - Nau Brah Ndu Ngơi 2023

²⁹ Nơm gŭ ndrel ma ur phung chiau meng păng tâm ban pônây lĕ; Ma mbu nơm pah ta păng mâu mra klaih ôh bơh nau tâm rmal.

Nau Hôr 6:29 ပူးပေါင်းရင်းမြစ်များ

Nau Ntơm 20:2

Y-Abraham nkoch H'Sara đah bu, ur păng pô aơ: “Păng jêng oh bu ur gâp.” Yor nây, Y-Abimêlek hađăch ƀon Gêrar, mprơh bu hăn sŏk H'Sara.

II Samuel 11:27

Tơlah nau ndrê klâng lĕ jêh, Y-Đavit prơh bu hăn leo păng ma ngih hađăch; păng dơi jêng ur hađăch jêh ri deh ăn ma hađăch du huê kon bu klâu. Ƀiălah nau Y-Đavit ƀư nây rngot ma Brah Yêhôva.

II Samuel 16:21

Y-Ahitôpel lah ma Y-Apsalôm: “Hađăch hăn văch hom lăp gŭ ndrel phung ur yông mbơ̆ may, phung păng mât mray ngih hađăch. Tơlah phung Israel gĭt may hŏ tâm rmot jêh ma mbơ̆ may nây; pôri lĕ rngôch phung gŭ n'hanh may lơ jêng ktang lơn.”

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Nau Hôr 6:28

Geh lĕ nơm chuat hăn ta klơ ŭnh rnga Ƀiălah mâu ôh dô jâng păng?

Êsêkiêl 18:6

mâu sa ôh ndơ nhhơr ta klơ yôk mâu lah kâp gân ma phung rup brah ngih Israel; mâu ƀư bêk prêng ôh ur chiau meng păng mâu lah mâu gŭ êp ôh ma du huê bu ur dôl geh săk bu ur;

Êsêkiêl 22:11

Ta ntŭk may, bunuyh aơ ƀư nau ƀơ̆ đah ur chiau meng păng, bunuyh êng ƀư ƀơ̆ đah ƀăn păng nơm, bunuyh êng đŏng ƀư prêng oh ruh păng jêng kon bu ur mbơ̆ păng.

Êsêkiêl 33:26

Khân may nsing ma đao khân may ƀư lĕ nau ƀơ̆; ăp nơm tâm khân may ƀư prêng ur nơm chiau meng khân may. Khân may dơi sŏk ndơn bri neh aơ lĕ?’

Kan Lêvi 18:20

Lơi bê̆ch ndrel đah ur phung chiau meng may ôh, gay ma may nơm mâu geh khan nau ƀơ̆ ƀơch.

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

I Kôrintô 7:1

Ma lĕ nau khân may nchih jêh tâm samƀŭt nâm bu “bu klâu mâu sŏk ur jêng ueh lơn.”