Nau Hôr 6:18 - Nau Brah Ndu Ngơi 2023

¹⁸ Nuih n'hâm ŭch tâm nchră ma nau mhĭk, Jâng gơnh nchuăt ran ƀư nau janh,

Nau Hôr 6:18 ပူးပေါင်းရင်းမြစ်များ

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Hôr 1:16

Yorlah jâng khân păng ngăch nchuăt tât ma nau mhĭk, Ndil ndal ƀư nkhŭt mham bunuyh.

Nau Hôr 15:26

Nau mĭn djơh mhĭk jêng nau tâm rmot đah Brah Yêhôva, Ƀiălah nau kloh ueh dơi ƀư ueh nuih n'hâm Păng.

Nau Hôr 24:2

Yorlah nuih n'hâm khân păng knŏng mĭn ma nau janh ƀai, Jêh ri mbung khân păng ngơi nau ƀư mhĭk.

Nau Hôr 24:8

Mbu nơm mĭn plăch ŭch ƀư nau mhĭk Bu mra kơp păng jêng bunuyh mƀruh.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Samƀŭt Pôl Njuăl Ăn Ma Phung Nsing Ta Ƀon Rôm 3:15

“Khân păng ngăch jâng gay ma ƀư nkhŭt mham,