Nau Hôr 6:15 - Nau Brah Ndu Ngơi 2023

¹⁵ Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Nau Hôr 6:15 ပူးပေါင်းရင်းမြစ်များ

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nau Mprơ Ơm 50:22

Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Nau Mprơ Ơm 55:15

Ŭch ma nau khĭt tât ma khân păng gơnh ro! Ŭch ma khân păng hôm gŭ rêh mra tŭp tâm ƀon phung khĭt! Yorlah nau mhĭk gŭ tâm ngih khân păng jêh ri tâm nuih n'hâm khân păng.

Nau Hôr 1:26

Yor ri gâp mra gơm nôk khân may mâp nau mhĭk, Jêh ri gâp mra mưch dôl khân may krit klach;

Nau Hôr 1:27

Lah nau krit klach toyh tât ndal nâm bu phŭt chuănh, Nau mhĭk tât nâm bu phŭt sial ktang, Jêh ri nau o ach, nau uh ah tât ma khân may.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nau Hôr 24:16

Yorlah bunuyh sŏng srăng nđâp lah păng cha lôt pơh tơ̆ hôm dơi dâk đŏng, Bi ma phung djơh mhĭk mra ngâm tâm nau mhĭk.

Nau Hôr 24:22

Yorlah nau mhĭk tât ndal tâm khân păng, Jêh ri mbu nơm dơi gĭt nau rêh ni mra tât tă bar ding?

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Yêrêmi 19:11

jêh ri lah ma khân păng pô aơ Brah Yêhôva ma phung tahan lah: ‘Gâp mra dong nchah phung ƀon lan aơ jêh ri ƀon aơ nâm bu dong du mlâm yăng neh uk, mâu hôm dơi tâm njĭr tay đŏng ôh. Bu mra tâp ta Tôphet kŏ tât mâu hôm geh ntŭk tâp đŏng ôh.’

Êsêkiêl 11:13

Dôl Gâp gŭ mbơh lor, Y-Pêlatia kon bu klâu Y-Bênaya, khĭt. Gâp păn muh măt jêh ri nter ma bâr huy lah pô aơ: “Ơ Yêhôva Brah Ndu! May mra ƀư rai ngăn lĕ phung Israel hôm e klen aơ?”

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.