Nau Hôr 6:14 - Nau Brah Ndu Ngơi 2023

¹⁴ Nuih n'hâm bêng nau kue, păng tâm nchră ma nau mhĭk, Ăp tơ̆ joi nau tâm djrel ƀaƀơ.

Nau Hôr 6:14 ပူးပေါင်းရင်းမြစ်များ

Nau Mprơ Ơm 140:2

Jêng phung nchră ŭch ƀư nau mhĭk tâm nuih n'hâm, Jêh ri ăp nar ŭch nau tâm lơh.

Nau Mprơ Ơm 140:3

Khân păng tôl mplanh mpiăt khân păng nâm bu mpiăt bêh, Ndôi khân păng geh dak kăch bêh ku. (Sêla)

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Hôr 14:22

Phung tâm nchră ƀư nau mhĭk mâm mâu lĕ vĭ nhhơt? Bi ma phung ŭch mĭn ƀư nau ueh mra mâp nau ueh jêh ri nau nanê̆ ngăn.

Nau Hôr 16:27

Bunuyh mâu chroh tâm nchră ŭch ƀư mhĭk bu, Tâm mbung păng nâm bu geh chiông ŭnh hit.

Nau Hôr 17:20

Phung geh nuih n'hâm blau plĕch mâu dơi ôh joi nau ueh lăng, Jêh ri mbu nơm geh mpiăt kue mra tŭp tâm nau mhĭk.

Nau Hôr 2:14

Jêng phung maak ƀư nau mhĭk, Hâk răm đah nau ƀai bơh phung mhĭk.

Nau Hôr 21:8

Trong bunuyh ƀư tih jêng kue kuăt, Ƀiălah kan bunuyh kloh rsang jêng sŏng.

Nau Hôr 22:8

Mbu nơm srih nau mâu di nanê̆ mra rek nau rêh ni, Jêh ri mâng rvĕ nau ji nuih păng mra đoh.

Nau Hôr 24:8

Mbu nơm mĭn plăch ŭch ƀư nau mhĭk Bu mra kơp păng jêng bunuyh mƀruh.

Nau Hôr 3:29

Lơi dĭng tâm nchră ƀư mhĭk ma bunuyh chiau meng may ôh, Yorlah bunuyh dôl gŭ rêh ueh mpăn kêng may.

Nau Hôr 3:32

Yorlah Brah Yêhôva tâm rmot ma bunuyh kue, Ƀiălah Păng njêng mĭt jiăng đah bunuyh sŏng.

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 57:20

Ƀiălah phung ƀai jêng tâm ban ma dak mƀŭt rbuh, Mâu blau rlu ôh, Dak mpât ƀư klôn bŏk jêh ri neh ƀơ̆.”

Êsêkiêl 11:2

Păng lah ma gâp: “Hơi kon bunuyh, nây jêng phung bu klâu ŭch mĭn ƀư nau kue, ndâk njêng nau mhĭk tâm ƀon aơ.

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Samƀŭt Pôl Njuăl Ăn Ma Phung Nsing Ta Ƀon Rôm 16:17

Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.