Nau Hôr 5:22 - Nau Brah Ndu Ngơi 2023

²² Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Nau Hôr 5:22 ပူးပေါင်းရင်းမြစ်များ

I Phung Hađăch 18:18

Păng plơ̆ sĭt lah: “Mâu di ôh gâp ƀư rkhŭk phung Israel, ƀiălah may nơm jêh ri ngih mbơ̆ may yơh rkhŭk. Yorlah may chalơi jêh nau vay Brah Yêhôva ntăm gay hăn tĭng brah Baal.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Ndrom Samƀŭt bơh Yôp 18:8

Yorlah jâng păng văk tâm dăk nhuăl, Jêh ri chuat hăn tâm dăk bu sân.

Nau Mprơ Ơm 40:12

Yorlah geh âk ngăn nau mhĭk tât Hŏ nchueng jŭm gâp; Nau mhĭk gâp hŏ tĭng ban jêh gâp Kŏ tât gâp mâu nănh n'gơr măt ôh; Khân păng âk lơn sŏk ta klơ bôk gâp, Ăn nuih n'hâm gâp krit ngăn.

Nau Mprơ Ơm 9:15

Phung ƀon lan tŭp jêh tâm ntu jru khân păng hŏ kuyh jêh; Jâng khân păng văk tâm nhuăl khân păng nơm nthăng jêh.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Hôr 1:18

Ƀiălah khân păng kâp dâp gay ƀư pling mham păng nơm, Rmoch ƀư rai nau rêh păng nơm.

Nau Hôr 11:3

Nau di phung sŏng têk ndrêng khân păng, Bi nau tih mhĭk phung mâu răp jăp ƀư rai khân păng.

Nau Hôr 11:5

Nau sŏng srăng bơh bunuyh n'hêl nanê̆ ƀư song trong păng, Bi nau mhĭk bơh bunuyh ƀai ƀư cha lôt păng.

Nau Hôr 11:6

Nau sŏng srăng bơh phung sŏng tâm rklaih khân păng, Ƀiălah nuih n'hâm kơnh bơh phung ƀlêp ƀlêr sân dăk khân păng.

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nau Hôr 18:7

Mbung bunuyh rluk ƀư roh săk păng nơm, Bâr păng jêng dăk sân ma huêng păng nơm.

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nau Hôr 26:27

Mbu nơm kuyh ntu mra tŭp tâm ntu nây; Mbu nơm rlă lŭ, lŭ plơ̆ tŭn tay.

Nơm Nti 7:26

Gâp joi saơ du ntil nau rngot lơn ma nau khĭt, Nây jêng bu ur geh nuih n'hâm nâm bu ndơm jal, ti nâm bu rse rvăk. Mbu nơm rêh ueh nuih n'hâm Brah Ndu mra klaih bơh bu ur nây, Bi ma nơm geh tih mra geh păng nhŭp sŏk.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Nau Nhĭm Vơl 1:14

Nau tih gâp kât ta mâng mbăk Ti Păng nơm kât ndrel khân păng. Păng tŭn jâk ta trô ko gâp, Ƀư djoh nau dăng ktang gâp. Kôranh Brah hŏ jao gâp tâm ti khân păng, Jêng phung gâp mâu dơi tâm rdâng ôh!

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

Phung Kôranh Phat Dôih 20:41

Nôk nây, phung ƀon lan Israel plơ̆ tay, jêh ri phung Benjamin geh nau phit phơr yorlah khân păng saơ nau mhĭk dăch tât jêh ma khân păng.

Phung Kôranh Phat Dôih 9:57

Brah Ndu tâm ban đŏng mplơ̆ plơng ma phung ƀon lan ƀon toyh Sichem yor lĕ rngôch nau djơh khân păng ƀư jêh. Nau mhĭk ăn tât klơ bôk khân păng di nâm nau rak rtăp Y-Jôtham, kon bu klâu Y-Jêrubaal.