Nau Hôr 4:4 - Nau Brah Ndu Ngơi 2023

⁴ Mbơ̆ gâp geh nti pô aơ: “Nuih n'hâm may kah gĭt hom lĕ nau gâp Djôt prăp hom nau vay ntăm bơh gâp, ri mơ may mra dơi rêh.

Nau Hôr 4:4 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 119:144

Nau May ntĭnh jêng sŏng srăng n'ho ro. Ăn ma gâp nau gĭt rbăng gay ma gâp dơi rêh.

Nau Mprơ Ơm 119:168

Gâp tông prăp nau ntăm jêh ri nau May ntĭnh, Yorlah lĕ trong gâp mpơl tanăp măt May.

Nau Hôr 22:6

Nti hom ăn kon se jê̆ trong păng mra tĭng, Gay nôk kêng ranh, mâu lĕ păng chalơi bơh trong nây.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Nau Hôr 3:2

Yorlah păng mra ăn may dơi ntop âk năm gŭ rêh, Jêh ri dơi geh nau geh jêng lư n'găr.

Nau Hôr 7:2

Tông hom nau vay ntăm bơh gâp pôri may mra dơi rêh, Jêh ri prăp hom nau gâp ntĭm nti nâm bu găr măt may.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 38:20

Y-Yêrêmi lah: “Bu mâu mra jao may ôh. Knŏng ŭch may tông tĭng bâr Brah Yêhôva moh nau gâp hŏ lah jêh ma may, pônây may mra dơi geh nau ueh jêh ri hôm dơi geh nau rêh.

Yôhan 12:50

Gâp gĭt jêh nau Mbơ̆ ntăm nây jêng nau rêh ƀaƀơ n'ho ro. Pôri lĕ nau Gâp lah, Gâp lah tĭng nau Mbơ̆ hŏ ntăm jêh.”

Êphêsô 6:4

Hơi phung mbơ̆, lơi ƀư ma oh kon khân may ji nuih, ƀiălah mât rong hom khân păng tâm di keh jêh ri nau ntĭm nti tâm Kôranh Brah.

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.

Nau Vay Nkah Tay 6:6

Djôt prăp hom tâm nuih n'hâm lĕ nau ngơi gâp ntĭnh ma khân may nar aơ.

II Timôthê 1:5

Gâp ăt kah gĭt đŏng ma nau chroh may răp jăp ngăn, jêng nau chroh geh lor tâm H'Lôis, u may, jêh ri tâm H'Ơnis, mê̆ may; gâp gĭt ngăn jêh ma nau chroh nây nar aơ gŭ tâm may.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

Phung Kôranh Phat Dôih 13:12

Y-Manôa lah: “Tơlah nau may ngơi tât di ngăn, moh nau vay kon se jê̆ aơ mra djôt prăp, jêh ri moh păng mra ƀư?”