Nau Hôr 4:23 - Nau Brah Ndu Ngơi 2023

²³ Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Nau Hôr 4:23 ပူးပေါင်းရင်းမြစ်များ

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

Nau Hôr 11:16

Bu ur blau yô̆ dơi geh nau yơk, Bi phung bu klâu dăng ktang mra dơi geh drăp ndơ.

Nau Hôr 13:3

Mbu nơm blau njrăng bâr mbung dơi mât nau rêh păng nơm, Ƀiălah nơm nđar huy ir mbung n'ho geh nau rai yot.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Nau Hôr 22:5

Tâm trong bunuyh djơh mhĭk geh lok jêh ri dăk bu sân; Mbu nơm mât njrăng huêng păng nơm mra der ngai bơh păng.

Nau Hôr 23:19

Hơi kon gâp, iăt hom jêh ri dơi jêng blau mĭn, Rle hom nuih n'hâm may lăp tâm trong di.

Nau Hôr 28:26

Mbu nơm rnơm nsing ma nuih n'hâm păng nơm jêng nơm rluk; Bi ma nơm gŭ ngao ma nau blau mĭn mra dơi geh nau tâm rklaih.

Nau Hôr 3:21

Hơi kon gâp, djôt prăp hom nau blau mĭn ngăn jêh ri nau blau njrăng, Lơi ăn păng du ngai đah măt may,

Nau Hôr 4:7

Nau blau mĭn jêng du ntil nau khlay rlau lơn, joi hom nau blau mĭn; Dŏng hom ma lĕ ndơ may geh gay rvăt nau gĭt rbăng.

Nơm Nti 5:13

Geh du nau mhĭk jru ngăn gâp saơ tât geh tâm dâng nar: Geh bunuyh prăp bun drăp ndơ Ƀiălah dơn nau rêh ni ma păng nơm.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Mathay 15:18

Ƀiălah moh ndơ luh tă bơh trôm mbung păng văch tă bơh nuih n'hâm, lĕ ndơ nây yơh ƀư ƀơ̆ bunuyh.

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Markôs 14:38

Rngeh njrăng hom jêh ri mbơh sơm, gay ma khân may mâu tŭp tâm nau ndơm. Huêng ŭch ngăn, ƀiălah nglay săk rdja.”

Luka 6:45

Bunuyh ueh yor nuih n'hâm prăp nau ueh ngluh nau ueh; bunuyh mhĭk yor nuih n'hâm prăp nau mhĭk ngluh nau mhĭk; yorlah bêng tâm nuih n'hâm rĭ dĭng mbung ngơi luh.

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.