Nau Hôr 31:9 - Nau Brah Ndu Ngơi 2023

⁹ Hă hom trôm mbung may, phat dôih ma nau sŏng, Mât an nau di ma phung o ach rêh ni.

Nau Hôr 31:9 ပူးပေါင်းရင်းမြစ်များ

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

Ndrom Samƀŭt bơh Yôp 29:12

Yorlah gâp kơl rklaih phung o ach dôl gŭ nter, Jêh ri phung kon đơi mâu geh nơm sâm kơl.

Nau Mprơ Ơm 82:3

Koh dŏng hom phung o ach jêh ri phung kon đơi; Phat dôih sŏng ma phung pưt kƀah jêh ri phung o ach.

Nau Hôr 16:12

Ƀư nau djơh mhĭk jêng ndơ tâm rmot ma phung hađăch, Yor tă bơh nau sŏng srăng ƀon bri hađăch dơi nâp ngăn ngên.

Nau Hôr 20:8

Hađăch gŭ ta klơ sưng phat dôih, Rle măt păng ôp sek lĕ rngôch nau mhĭk.

Nau Hôr 29:7

Bunuyh sŏng srăng gĭt nau di ma phung o ach, Bi phung mhĭk mâu gĭt rbăng ôh nau blau mĭn âk.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Sakari 7:9

“Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Yôhan 7:24

Lơi ta phat dôih tĭng padih, ƀiălah phat dôih hom tĭng nau sŏng srăng.”

Nau Vay Nkah Tay 1:16

Nôk nây gâp hŏ ntĭnh jêh ma phung kôranh phat dôih khân may: ‘Gŭ iăt hom phung oh nâu khân may jêh ri phat hom dôih ma nau sŏng, nđâp lah ta nklang phung Israel đah ndrăng khân păng, mâu lah ta nklang phung Israel đah phung bu năch gŭ ndrel ma khâm may.

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

I Samuel 19:4

Pônây, Y-Jônathan nkoch nau ueh Y-Đavit ma Y-Sôl, mbơ̆ păng: “Dăn ma mbơ̆, lơi ƀư tih ma Y-Đavit ôh, oh mon may, yorlah păng mâu ƀư tih đah may ôh; ƀiălah, păng ƀư jêh lĕ nau kan ueh kơl may.

I Samuel 20:32

Y-Jônathan ngơi ma Y-Sôl, mbơ̆ păng: “Mâm ƀư Y-Đavit mra khĭt? Moh nau păng hŏ ƀư jêh?”