Nau Hôr 31:4 - Nau Brah Ndu Ngơi 2023

⁴ Hơi Y-Lêmuêl, mâu ueh ôh ăn ma phung hađăch, Mâu ueh ôh ăn hađăch nhêt ndrănh, Mâu lah phung kôranh ôp: “Mbah ntŭk ndrănh?”

Nau Hôr 31:4 ပူးပေါင်းရင်းမြစ်များ

I Phung Hađăch 16:9

Ƀiălah Y-Simri, oh mon Y-Êla, jêng kôranh chiă uănh toyh du n'gul lĕ rngôch ndeh seh, tâm chră tâm rdâng đah hađăch. Tâm dôl Y-Êla nhêt ndrănh jêh ri nhŭl tâm ngih Y-Arsa, nơm jêng kôranh chiă uănh ngih hađăch ta ƀon Tirsa,

I Phung Hađăch 20:12

Y-Ben-Hadat dôl gŭ nhêt ndrănh ndrel ma phung hađăch tâm ngih bok, mhe tăng lĕ nau nĕ, ntăm ro ma phung tahan păng nơm: “Nkrĭp dăp tahan!” Khân may nkrĭp dăp tahan ro gay rduh lơh ƀon nây.

Êsther 1:10

Ta nar tal pơh, tơlah nuih n'hâm hađăch maak jêh ma ndrănh, hađăch ntĭnh ma Y-Mêhuman, Y-Bistha, Y-Harbôna, Y-Biktha, Y-Abaktha, Y-Sêthar jêh ri Y-Karkas, jêng pơh kôranh bu char pah kan tanăp hađăch Y-Asuêrus,

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 23:34

Nanê̆, may mra nâm bu bunuyh lâng bê̆ch ta nklang blat dak mƀŭt, Nâm bu phung bê̆ch ta klơ chiông jrŏng meh kumpăn.

Nơm Nti 10:17

Ueh maak ăn bri dak geh hađăch jêng noi deh lư rnam, Jêh ri geh phung kôranh chiă uănh sông sa nhêt geh di mông, Gay geh nau dăng ktang mâu di mâu yor nau nhŭl ndrănh!

Êsai 5:22

Rêh ni ngăn ma phung dăng nhêt ndrănh, Jêh ri phung blau kan nau lŭk lai lĕ ndơ nhêt nhŭl!

Habakuk 2:5

N'hêl nanê̆, păng geh ndrănh mƀruh, Păng sưr jêh ri mâu geh ôh nau gŭ đăp mpăn. Nuih n'hâm ŭch kơnh păng pơk huy nâm bu ƀon phung khĭt, Nâm bu nau khĭt, păng mâu blau mpay ôh; Păng tâm rgum lĕ rngôch bri dak Jêh ri sŏk lĕ rngôch phung ƀon lan sĭt ma păng nơm.”