Nau Hôr 30:5 - Nau Brah Ndu Ngơi 2023

⁵ Lĕ nau Brah Ndu Ngơi dơi geh nau rlong da dê; Păng jêng khêl ma bunuyh rnơm nsing tâm Păng.

Nau Hôr 30:5 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

II Samuel 22:31

Bi ma Brah Ndu, lĕ trong Păng jêng nŭm rĭng, Nau Brah Yêhôva hŏ geh nau rlong uănh kloh jêh. Păng jêng khêl ma lĕ rngôch bunuyh nde krap tâm Păng.

Nau Mprơ Ơm 119:140

Nau May ngơi jêng kloh rsang ngăn, Yor ri oh mon May rŏng kơnh ma nau nây.

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Mprơ Ơm 144:2

May jêng Nơm geh nau ueh jêh ri pôih nâp ma gâp, Jêng ntŭk gâp krap jêh ri Nơm tâm rklaih gâp, Jêng khêl ma gâp jêh ri ntŭk gâp gŭ krap; May ƀư ăn phung mpôl băl lăp gŭ tâm dâng gâp.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 18:30

Bi ma Brah Ndu, lĕ trong Păng jêng nŭm rĭng. Nau Brah Yêhôva hŏ geh nau rlong uănh kloh jêh, Păng jêng khêl ma phung nde krap tâm Păng.

Nau Mprơ Ơm 18:31

Knŏng Brah Yêhôva, mbu jêng Brah Ndu? Padih Brah Ndu hên, mbu jêng lŭ toyh?

Nau Mprơ Ơm 19:8

Nau vay Brah Yêhôva jêng sŏng, Ƀư ăn nuih n'hâm răm maak; Nau vay ntăm bơh Brah Yêhôva jêng kloh, Ƀư ăn ang măt ang nuih n'hâm.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Nau Hôr 2:7

Păng prăp nau blau mĭn nanê̆ ma bunuyh sŏng; Păng jêng khêl ma phung rêh tâm nau sŏng,

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.