Nau Hôr 30:3 - Nau Brah Ndu Ngơi 2023

³ Gâp mâu hŏ geh nti nau blau mĭn, Jêh ri mâu hŏ nti nau blau mĭn bơh Nơm Kloh Ueh.

Nau Hôr 30:3 ပူးပေါင်းရင်းမြစ်များ

Nau Hôr 30:4

Mbu nơm hŏ hao klơ trôk jêh jŭr tay? Mbu nơm hŏ rgum sial tâm mpang ti? Mbu nơm hŏ nklâm dak tâm ao? Mbu nơm ndâk n'har neh ntu? Mâm amoh Nơm nây, Jêh ri amoh săk kon bu klâu Nơm nây? Tơlah may gĭt, nkoch hom!

Nau Hôr 9:10

Nau klach yơk ma Brah Yêhôva, nây jêng tơm ma nau blau mĭn, Nau gĭt năl Nơm Kloh Ueh, nây jêng nau gĭt rbăng.

Êsai 30:11

Du hom tă bơh trong, chalơi ndô̆, Lơi dĭng nkoch Nơm Kloh Ueh Israel tanăp măt hên!”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk:

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”