Nau Hôr 30:11 - Nau Brah Ndu Ngơi 2023

¹¹ Geh ntil bunuyh rak rtăp mbơ̆ păng nơm Mâu lĕ ăn nau ueh uĭn ma mê̆ păng nơm.

Nau Hôr 30:11 ပူးပေါင်းရင်းမြစ်များ

Nau Ngluh Êjipt 21:17

Mbu nơm rtăp rak mbơ̆ mâu lah me păng nơm, mra nkhĭt lơi păng.

Nau Hôr 20:20

Ŭnh kađen phung rak rtăp mê̆ mbơ̆ păng, Mra nhhât ta klong măng ngo klĕng.

Nau Hôr 23:22

Iăt hom nau mbơ̆ hŏ deh jêh may, Lơi mưch rmot ôh ma mê̆ may lah păng lĕ ranh jêh.

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Kan Lêvi 20:9

‘Mbu nơm rak rtăp ma mê̆ mbơ̆ păng bu mra nkhĭt lơi păng. Păng hŏ rak rtăp jêh ma mê̆ mbơ̆ păng, mham păng mra nkhŭt tay ta klơ păng nơm.’

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Nau Vay Nkah Tay 27:16

‘Di ma rak rtăp ma nơm ƀư bêk mê̆ mbơ̆ păng nơm!’ Ăn lĕ rngôch phung ƀon lan mra plơ̆ lah: ‘Amen!’

I Timôthê 5:4

Tơlah du huê ndrô geh kon mâu lah sau, lor lơn ăn phung kon sau nti blau tâm mpơl nuih n'hâm nau yơk ma rnăk vâl khân păng nơm jêh ri mplơ̆ nau lah ueh ma kan mê̆ mbơ̆ khân păng hŏ ƀư jêh; yorlah nau nây ƀư maak nuih n'hâm Brah Ndu.

I Timôthê 5:8

Tơlah mbu nơm mâu kơl ma phung ndŭl mpôl păng, khlay lơn ma rnăk vâl păng nơm, pôri bunuyh nây dun jêh nau chroh, jêh ri păng jêng mhĭk lơn ma du huê mâu chroh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.