Nau Hôr 3:9 - Nau Brah Ndu Ngơi 2023

⁹ Sŏk hom drăp ndơ jêh ri kao play yan dak bôk Gay tâm rnê Brah Yêhôva;

Nau Hôr 3:9 ပူးပေါင်းရင်းမြစ်များ

Nau Ntơm 28:22

Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

II Nau Rêh Jêng 31:10

Y-Asaria, kôranh ƀư brah toyh jêng noi deh Y-Sadôk, plơ̆ lah ma hađăch pô aơ: “Ntơm bơh nar phung ƀon lan djôt ndơ nhhơr tâm ngih Brah Yêhôva, mâu knŏng hên tŏng sông sa ƀiălah geh âk ndơ rmeh, yorlah Brah Yêhôva hŏ ăn jêh nau ueh uĭn ma ƀon lan Păng. Aơ jêng mbŭch hôm e rmeh.”

II Nau Rêh Jêng 31:21

Tâm lĕ kan hađăch ƀư, bơh nau pah kan tâm ngih Brah Ndu tât nau djôt prăp nau vay mâu lah nau vay ntăm, păng tĭng joi Brah Ndu ma lĕ nuih n'hâm, rĭ dĭng păng dơi chăt jêng.

Nau Mprơ Ơm 144:13

Dăn lĕ jay prăp hên bêng ler Ma lĕ rngôch ntil play kao; Dăn phung biăp hên bĭk rơ̆ âk rbăn, âk rmưn Tâm lĕ mir hên.

Nau Ngluh Êjipt 22:29

May mâu dơi ôh mbrĕ mbrơi tâm nau nhhơr lĕ ndơ play dak bôk bơh mir may jêh ri ndrănh khân may. Ăn khân may nhhơr phung kon bu klâu bôk rah ma Gâp.

Nau Ngluh Êjipt 23:16

Ăn kon djôt prăp nau rƀŭn Yan Rek jêng rƀŭn nhhơr play kao dak bôk yor tă bơh nau kan kon hŏ nsrih ta mir. Kon djôt prăp đŏng nau rƀŭn, Rgum ta lôch năm, lah kon rgum lĕ jêh play bơh n'hâm suan kan nsĭt bơh mir.

Nau Ngluh Êjipt 23:19

Ăn djôt leo dĭng lĕ play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Nau Ngluh Êjipt 34:26

Ăn may nhhơr play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Nau Hôr 11:25

Bunuyh geh nuih n'hâm lŏng mra dơi geh nau ndrŏng, Mbu nơm ăn bu nhêt dak, păng nơm mra dơi geh dak nhêt.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Kan Lêvi 19:25

Tât ta năm tal prăm khân may ăt hôm dơi sa play tơm si nây. Tơlah khân may djôt prăp nau Gâp nti, play kao nây mra bĭk rơ̆ ma khân may. Gâp jêng Yêhôva Brah Ndu khân may.

Nau Kơp Bunuyh 15:20

Ntơm bơh rnih pach lor lơn, ăn khân may ƀư du mlâm du ƀănh jê̆ jêh ri nhhơr tĭng nau yơr hao. Khân may nhhơr hom nâm nhhơr du ndơ nhhơr bơh ntŭk mprah ba.

Mathay 25:17

Bunuyh dơn jêh bar talâng, dơi ntop bar talâng đŏng.

I Kôrintô 16:2

Ta nar nguay ăp nar pơh, ăp nơm tâm khân may, tĭng nâm dơi geh khân may nơm, prăp hom du kô̆; lơi kâp nôk gâp tât jêh nây ntơm riu prăk.

Nau Vay Nkah Tay 14:29

Nôk nây phung Lêvi, yorlah khân păng mâu geh ôh kô̆ tâm pă jêh ri mâu đŏng dơn nsum drăp ndơn ndrel ma khân may, phung bu năch, phung kon đơi, jêh ri phung bu ur ndrô gŭ tâm ƀon toyh khân may dơi văch da dê sa nhêt ăn hơm. Pônây, Yêhôva Brah Ndu khân may mra ăn nau ueh uĭn ma lĕ rngôch nau kan khân may ƀư.”