Nau Hôr 3:7 - Nau Brah Ndu Ngơi 2023

⁷ Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Nau Hôr 3:7 ပူးပေါင်းရင်းမြစ်များ

II Samuel 12:20

Rnôk nây, Y-Đavit dâk, ŭm rao, mhĭng dak ƀâu kah, jêh ri tơh rgâl kho ao păng, jêh nây păng hăn lăp ma ngih brah Brah Yêhôva jêh ri yơk mbah. Jêh nau nây, hađăch plơ̆ sĭt ma ngih hađăch, jêh ri đah bu ndrăp ndơ sông sa ma păng.

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Ngluh Êjipt 20:20

Y-Môis lah ma phung ƀon lan: “Lơi klach ôh, yorlah Brah Ndu jŭr gay rlong uănh nuih n'hâm khân may, gay ma khân may klach yơk ma Păng ƀaƀơ, pônây khân may mâu ƀư tih ôh.”

Nau Hôr 14:16

Bunuyh blau mĭn klach nau mhĭk jêh ri der ngai, Ƀiălah bunuyh rluk ƀư sưr jêh ri mâu ôh blau njrăng.

Nau Hôr 14:27

Nau klach yơk ma Brah Yêhôva jêng tu dak nau rêh, Kơl kon bunuyh der bơh dăk nau khĭt.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 23:4

Lơi ƀư jêr ôh may nơm gay ƀư ndrŏng; Lơi hôm nau nsing ma nau gĭt mĭn may nơm.

Nau Hôr 26:12

May saơ lĕ mbu moh bunuyh blau mĭn kơp êng tĭng măt păng nơm đŏng? Bunuyh rluk hôm e geh nau kâp gân rlau ma păng.

Nau Hôr 26:5

Plơ̆ sĭt lah hom ma bunuyh rluk tâm di đah nau rluk păng, Klach lah păng mĭn pô aơ păng nơm blau mĭn.

Nau Hôr 28:11

Bunuyh ndrŏng kơp êng păng nơm jêng blau mĭn, Ƀiălah bunuyh o ach geh nau gĭt rbăng mra gĭt rah vah bunuyh nây.

Nau Hôr 28:26

Mbu nơm rnơm nsing ma nuih n'hâm păng nơm jêng nơm rluk; Bi ma nơm gŭ ngao ma nau blau mĭn mra dơi geh nau tâm rklaih.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.