Nau Hôr 3:34 - Nau Brah Ndu Ngơi 2023

³⁴ Kôranh Brah mưch ma phung vay mưch, Ƀiălah Păng ăn nau yô̆ ma phung dêh rhêt.

Nau Hôr 3:34 ပူးပေါင်းရင်းမြစ်များ

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Mprơ Ơm 18:26

Mbu nơm kloh rsang, Kôranh Brah mra tâm mpơl May nơm jêng kloh rsang; Bi ma nơm kue, May mra tâm mpơl May nơm jêng blau mĭn.

Nau Hôr 1:26

Yor ri gâp mra gơm nôk khân may mâp nau mhĭk, Jêh ri gâp mra mưch dôl khân may krit klach;

Nau Hôr 14:9

Phung rluk mưch ma nau tih; Bunuyh sŏng Kôranh Brah dơi ăn nau yô̆.

Nau Hôr 16:19

Ueh lơn rêh dêh rhêt gŭ ndrel bunuyh o ach Rlau lơn ma nau tâm pă ndơ sŏk pit ndrel phung sưr.

Nau Hôr 19:29

Nau tâm rmal hŏ prăp rơm jêh ma phung mưch, Mâng rvĕ rpăt ndrăp rơm ăn ma ndŭr kơi phung rluk.

Nau Hôr 21:24

“Mưch” jêng ntơ phung n'hao êng nơm, nau sưr, Păng gŭ ngao ma nau mƀruh tĭng nau mơng sưr rlau păng.

Nau Hôr 9:12

Tơlah may blau mĭn jêng khlay ma may nơm, Tơlah may dăng mưch jêng du huê may nơm mra dơn mbăk play mhĭk.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.