Nau Hôr 3:32 - Nau Brah Ndu Ngơi 2023

³² Yorlah Brah Yêhôva tâm rmot ma bunuyh kue, Ƀiălah Păng njêng mĭt jiăng đah bunuyh sŏng.

Nau Hôr 3:32 ပူးပေါင်းရင်းမြစ်များ

Ndrom Samƀŭt bơh Yôp 29:4

Lah gâp hôm mom ndăm, Jêh ri nau rŏng mĭt jiăng bơh Brah Ndu nkŭm ngih bok gâp;

Nau Mprơ Ơm 18:26

Mbu nơm kloh rsang, Kôranh Brah mra tâm mpơl May nơm jêng kloh rsang; Bi ma nơm kue, May mra tâm mpơl May nơm jêng blau mĭn.

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Hôr 11:20

Brah Yêhôva tâm rmot ma phung geh nuih n'hâm kue, Ƀiălah Păng hâk maak ma bunuyh geh trong bu mâu dơi nduyh.

Nau Hôr 14:10

Nau rngot tâm nuih n'hâm knŏng nuih n'hâm păng nơm gĭt. Nau maak tâm nâm nuih n'hâm mâm dơi tâm pă đah phung êng.

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 41:24

Aơ, khân may jêng dơm dam, Nau kan khân may ƀư jêh ăt jêng mâu khlay ôh; Nơm săch khân may dŭt ƀơ̆ ƀơch ngăn!

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Yôhan 15:15

Gâp mâu hôm kuăl khân may jêng oh mon ôh, yorlah oh mon mâu gĭt ôh moh nau kôranh păng ƀư. Ƀiălah Gâp kuăl khân may băl Gâp nơm, yorlah Gâp hŏ mpơl jêh ma khân may gĭt lĕ rngôch lĕ nau Gâp hŏ tăng jêh tă bơh Mbơ̆ Gâp.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”