Nau Hôr 3:28 - Nau Brah Ndu Ngơi 2023

²⁸ Tơlah may geh ndơ nơm chiau meng ŭch ma ndơ nây, Lơi lah ôh: “Hăn hom jêh ri plơ̆ tay, ôi taơ gâp mra ăn ma may.”

Nau Hôr 3:28 ပူးပေါင်းရင်းမြစ်များ

Nau Hôr 27:1

Lơi ntưih ôh ma nar ôi taơ, Yorlah may mâu gĭt ôh nar ôi taơ mra moh nau tât.

Nơm Nti 11:6

Ơm ôi, hăn hom srih ntil, Mhaơ tât lơi rlu ôh ti; Yorlah may mâu gĭt ôh moh rơh srih mra dơi jêng, Rơh srih kêng ôi mâu lah kêng mhaơ, Mâu lah lĕ bar hon ueh tâm ban da dê.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Nau Mprơ Ueh 5:3

Gâp hŏ tơh jêh ao padih, Mâm ƀư nsoh tay? Gâp hŏ rao jâng jêh, Mâm gay ƀư ƀơ̆ tay?

Kan Lêvi 19:13

Mâu dơi tŭn jot nơm chiau meng khân may nơm, mâu đŏng ntŭng ndơ khân păng. Lơi dĭng mâu ăn prăk ma bunuyh kan nkhôm tâm ngih khân may kŏ tât ôi taơ.

II Kôrintô 8:11

Lah ndrĭ, aƀaơ aơ ƀư lôch hom nau aơ gay nau khân may ŭch dơi geh lah ƀư rĭng nau nây tĭng nâm nau khân may dơi.

II Kôrintô 9:3

Ƀiălah gâp njuăl jêh phung oh nâu hăn, gay nau hên tâm rnê ma khân may mâu jêng dơm dam ôh, jêh ri gay ma khân may rơm ndrăp, nâm nau gâp lah jêh;

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;