Nau Hôr 3:24 - Nau Brah Ndu Ngơi 2023

²⁴ Lah may lâng bê̆ch, mâu geh ôh ntil ndơ klach; Ngăn yơh, may mra bê̆ch jêh ri dơi hăk bê̆ch đăp mpăn.

Nau Hôr 3:24 ပူးပေါင်းရင်းမြစ်များ

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

Ndrom Samƀŭt bơh Yôp 11:19

May mra lâng bê̆ch, mâu geh bunuyh ƀư ăn may klach Jêh ri âk bunuyh dăn nau ueh tă bơh may.

Nau Mprơ Ơm 112:8

Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 3:5

Gâp lâng săk jêh ri hăk bê̆ch; Gâp kah rngăl, yorlah Brah Yêhôva chông n'hao gâp.

Nau Mprơ Ơm 3:6

Gâp mâu mra klach ôh ma âk rbăn bunuyh Nchueng jŭm gâp puăn mpeh.

Nau Mprơ Ơm 4:8

Ơ Brah Yêhôva, gâp mra lâng săk jêh ri gŭ bê̆ch ma nau đăp mpăn; Yorlah knŏng du huê May mât rong gâp dơi gŭ rêh ueh mpăn.

Nau Mprơ Ơm 91:5

May mâu mra klach ôh ma nau djơh mhĭk dôl măng Mâu lah hăr mpăr dôl nar,

Nau Hôr 1:33

Ƀiălah mbu nơm iăt gâp mra hôm rêh ueh mpăn, Mra dơi geh nau đăp mpăn, mâu klach nau mhĭk ôh.”

Nau Hôr 19:23

Nau klach yơk Brah Yêhôva njŭn tât nau rêh: Ƀư ăn khân păng dơi geh nau maak, Jêh ri nking lĕ rngôch nau mhĭk.

Nau Hôr 6:22

Lah may chuat hăn, păng mra njŭn leo may; Dôl may bê̆ch, păng mra mât njrăng may; Jêh ri tơlah may kah rngăl, păng mra nkoch bri đah may.

Nơm Nti 5:12

Nơm pah kan hŏt r'ah bê̆ch hôm ueh ngăn, Nđâp tơlah sa âk mâu lah jê̆. Ƀiălah âk prăk âk drăp ndơ Ƀư bunuyh ndrŏng bê̆ch mâu dơi hăk.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Yêrêmi 31:26

Nôk nây, gâp kah rngăl jêh ri uănh jŭm, nau gâp bê̆ch đăp mpăn ngăn.

Êsêkiêl 34:15

Gâp nơm yơh mra chiăp biăp Gâp jêh ri ăn khân păng rlu kuen,’ Kôranh Brah Yêhôva lah pônây.

Êsêkiêl 34:25

Rnôk nây, Gâp mra njêng du nau tâm rnglăp đăp mpăn đah phung biăp Gâp. Gâp mra mprơh lơi đơ mpô mpa bri janh tâm n'gor gay ăn phung ƀon lan Gâp dơi gŭ mpăn tâm bri rdah jêh ri gŭ bê̆ch tâm krŏng.

Êsêkiêl 34:27

Tơm si nklang bri mra geh play âk jêh ri neh mra chăt hon jêng ndơ. Khân păng mra gŭ mpăn tâm bri khân păng jêh ri khân păng mra gĭt Gâp jêng Brah Yêhôva tơlah Gâp hŏ nkê̆ch pă jêh lĕ mâng mbăk khân păng, jêh ri hŏ rklaih khân păng tă bơh ti phung nhŭp khân păng ƀư jêng dĭk.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Kôranh Oh Mon 12:6

Ƀiălah, tâm măng êlor ma hađăch Hêrôt njŭn Y-Pêtrôs ma nau phat dôih, Y-Pêtrôs bê̆ch ta nklang bar hê tahan, ti păng kât ma bar rse rvăk jêh ri geh phung tahan gak chiă panăp bôk mpông ndrung.