Nau Hôr 3:18 - Nau Brah Ndu Ngơi 2023

¹⁸ Nau blau mĭn jêng tơm si nau rêh ăn ma mbu nơm djôt kuăn păng; Mbu nơm djôt prăp păng dơi geh nau ueh lăng da dê.

Nau Hôr 3:18 ပူးပေါင်းရင်းမြစ်များ

Nau Ntơm 2:9

Yêhôva Brah Ndu ƀư ăn neh hon ăp ntil tơm si ueh măt uănh jêh ri sa kah. Ta nklang n'gar trao geh tơm si nau rêh jêh ri geh tơm si gĭt nau ueh, nau mhĭk.

Nau Ntơm 3:22

Yêhôva Brah Ndu mĭn: “Aơ, kon bunuyh hŏ jêng tâm ban ma He, gĭt tâm nkhah nau ueh jêh ri nau mhĭk. Pôri aƀaơ aơ uănh njrăng hom, klach lah kon bunuyh yơr ti pĕ play tơm si nau rêh gay sa jêh ri dơi geh nau rêh n'ho ro.”

Nau Hôr 11:30

Play bơh bunuyh sŏng srăng jêng tơm si nau rêh, Bunuyh blau mĭn dơi njŭn leo âk huêng bu.

Nau Hôr 13:12

Nau kâp gân njong tay ƀư ăn nuih n'hâm nđêh nji, Ƀiălah nau gay ŭch tât jêh jêng tơm si nau rêh.

Nau Hôr 15:4

Mpiăt rdơ̆ rbăn jêng nâm bu tơm si nau rêh, Ƀiălah mpiăt kue ăn chah nuih n'hâm.

Nau Hôr 4:13

Kuăn hom ăn nâp nau ntĭm nti, lơi ta mƀơk ôh, Ăn djôt prăp, yorlah păng jêng nau rêh may.

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Nau Hôr 8:34

Ueh maak ngăn bunuyh iăt nau gâp, Rngeh ăp nar ta mpông pêr gâp Jêh ri gŭ kâp kêng meng mpông lăp ngih gâp.

Nơm Nti 7:12

Yorlah krap tâm dâng gui nau blau mĭn ăt nâm bu krap tâm dâng gui prăk rêl; Ƀiălah nau khlay gĭt rbăng dơi jêng nau blau mĭn mât njrăng nau rêh mbu nơm dơi geh păng.

Nau Tâm Mpơl 2:7

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Ma mbu nơm mra dơi, Gâp mra ăn păng sa play bơh tơm si nau rêh tâm Parađi Brah Ndu.’ ”

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.