Nau Hôr 3:1 - Nau Brah Ndu Ngơi 2023

¹ Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Nau Hôr 3:1 ပူးပေါင်းရင်းမြစ်များ

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 119:153

Dăn May mêt uănh ma nau rêh ni gâp jêh ri rklaih gâp, Yorlah gâp mâu chuêl ôh nau vay May.

Nau Mprơ Ơm 119:16

Gâp maak tâm nau vay dăp May Mâu mra chuêl ôh nau May ngơi.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:61

Rse dăk phung ƀai ndơm jêh gay ƀư mhĭk ma gâp, Ƀiălah gâp mâu chuêl nau vay May ôh.

Nau Mprơ Ơm 119:93

Gâp mâu mra chuêl nau May ntăm ôh Yorlah ma păng yơh, May ƀư ma gâp dơi rêh.

Nau Mprơ Ơm 91:16

Gâp mra ăn păng hơm mpay rêh jŏ Jêh ri ntĭm ma păng saơ nau Gâp tâm rklaih.

Nau Ngluh Êjipt 20:6

Ƀiălah Gâp mra ăn nau yô̆ tât rbăn rô̆ ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Nau Hôr 1:8

Hơi kon gâp, iăt hom nau mbơ̆ ntĭm nti, Lơi ta dun ôh nau mê̆ may nti;

Nau Hôr 16:31

Sŏk ndra mra jêng đon hađăch nau chrêk rmah, Prăp ăn ma bunuyh hăn tâm trong sŏng srăng.

Nau Hôr 2:1

Hơi kon gâp, tơlah may sŏk dơn nau gâp nti Jêh ri djôt prăp lĕ nau vay gâp ntăm,

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Nau Hôr 31:5

Klach lah nôk nhêt nhŭl, khân păng chuêl nau vay ntăm, Ƀiălah hăn rlơ̆ đah nau di ăn phung rêh ni.

Nau Hôr 4:2

Yorlah gâp ăn ma khân may du nau nti ueh ngăn; Lơi ta chalơi ôh lĕ nau gâp nti.

Nau Hôr 4:21

Lĕ nau ngơi nây lơi ta ăn du ngai ôh đah măt may, Djôt prăp hom tâm nuih n'hâm may mro mrăng.

Nau Hôr 4:5

Joi hom nau blau mĭn jêh ri nau gĭt rbăng, Lơi ta chuêl jêh ri lơi chalơi ôh lĕ nau bơh bâr mbung gâp;

Nau Hôr 8:1

Mâu di hĕ nau blau mĭn hŏ kuăl, Mâu di hĕ nau gĭt rbăng hŏ ngơi nteh?

Nau Hôr 9:1

Nau blau mĭn ndâk jêh ngih păng nơm, Trah jêh ăn păng nơm pơh mlâm meh,

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Nau Vay Nkah Tay 4:23

Njrăng hom lơi ta chuêl nau tâm rnglăp Yêhôva Brah Ndu khân may hŏ ƀư jêh đah khân may. Lơi ƀư ma khân may nơm du rup trah moh ntil mpa Yêhôva Brah Ndu hŏ buay jêh ma khân may.

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.

Nau Vay Nkah Tay 5:16

Yơk hom ma mê̆ mbơ̆ may, tĭng nâm Yêhôva Brah Ndu may hŏ ntĭm nti jêh, gay ma may dơi rêh jŏ năm jêh ri dơn nau ueh uĭn klơ neh Yêhôva Brah Ndu may hŏ ăn jêh ma may.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Nau Vay Nkah Tay 8:1

“Ăn khân may njrăng ƀư tĭng lĕ rngôch nau vay ntăm, gâp hŏ lah jêh ma khân may nar aơ gay ma khân may dơi rêh, bĭk rơ̆ âk bunuyh, jêh ri lăp sŏk dơn n'gor jêng drăp ndơn Brah Yêhôva hŏ ton ma chô yau khân may.