Nau Hôr 29:3 - Nau Brah Ndu Ngơi 2023

³ Mbu nơm rŏng ma nau blau mĭn ƀư ăn mbơ̆ răm maak, Bi ma nơm ƀư băl đah phung bu ur văng tĭr, ƀư rai drăp ndơ.

Nau Hôr 29:3 ပူးပေါင်းရင်းမြစ်များ

Nau Hôr 10:1

Aơ jêng lĕ nau hôr bơh Y-Salômôn: Kon blau mĭn ƀư ăn mbơ̆ răm maak, Ƀiălah kon rluk ƀư ăn mê̆ păng rngot.

Nau Hôr 15:20

Kon blau mĭn ƀư maak nuih n'hâm mbơ̆ păng, Ƀiălah du huê kon rluk tâm rmot ma mê̆ păng.

Nau Hôr 21:17

Mbu nơm nđơr ir nau pâl rlưn nanê̆ mra o ach; Bi nơm rŏng ma ndrănh ndrel dak ngi ôlive mâu mra ƀư ndrŏng.

Nau Hôr 21:20

Drăp ndơ khlay jêh ri dak ngi hôm e tâm ngih bunuyh blau mĭn, Ƀiălah bunuyh rluk sa lơi lĕ rngôch.

Nau Hôr 23:15

Hơi kon gâp, tơlah nuih n'hâm may blau mĭn, Pôri nuih n'hâm gâp mra răm maak đŏng;

Nau Hôr 27:11

Hơi kon gâp, blau mĭn hom jêh ri ƀư maak nuih n'hâm gâp, Gay gâp dơi tâm plơng đah nơm ƀư prêng gâp.

Nau Hôr 28:19

Mbu nơm kai neh mir mra bêng ndơ sông sa, Ƀiălah mbu nơm hăn tĭng bunuyh ƀlao mra bêng ma nau ndĭt trơi.

Nau Hôr 28:7

Mbu nơm djôt prăp nau vay jêng du huê kon blau mĭn, Bi ma nơm ƀư băl đah phung blă blơ ƀư bêk mbơ̆ păng nơm.

Nau Hôr 6:26

Yorlah bu dơi nkhôm ma bu ur văng tĭr rnoh knŏng du glo piăng let dơm, Bi ma bu ur lâm sai ƀư roh nđâp ma huêng dŭt khlay.

Luka 15:13

Jêh nây mâu ir jŏ, oh nây sŏk lĕ drăp ndơ jêh ri hăn tât du n'gor ngai; ta nây, păng pâl rlưn ƀư blă blơ, ƀư roh drăp păng, mpŭng drăp ndơ păng nơm.

Luka 15:30

Ƀiălah tơlah kon may, jêng nơm hŏ dâk lĕ drăp ndơ may đah bu ur văng tĭr jêh nây plơ̆ sĭt, mbơ̆ ƀư puăch kon ndrôk lay gay nhêt sông sa maak!’