Nau Hôr 28:9 - Nau Brah Ndu Ngơi 2023

⁹ Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Nau Hôr 28:9 ပူးပေါင်းရင်းမြစ်များ

Nau Mprơ Ơm 109:7

Tơlah bu phat dôih păng, ăn bu kơp păng tih jêh. Jêh ri nau păng mbơh sơm kơp jêng nau tih.

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Mprơ Ơm 94:20

Phung chiă uănh djơh mhĭk dŏng nau vay ƀư ma phung ƀon lan geh nau rêh ni Di lĕ May tâm rnglăp đah khân păng?

Nau Hôr 10:3

Brah Yêhôva mâu ăn huêng phung sŏng srăng ji ngot ji hir, Ƀiălah Păng dun nau phung djơh ŭch kơnh.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:13

Phung nsêt tôr mâu ŭch iăt ôh nau kuăl nter bơh bunuyh o ach, Dôl phung nây kuăl nter ăt mâu geh lĕ nơm plơ̆ sĭt lah.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Êsai 41:24

Aơ, khân may jêng dơm dam, Nau kan khân may ƀư jêh ăt jêng mâu khlay ôh; Nơm săch khân may dŭt ƀơ̆ ƀơch ngăn!

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yôhan 9:31

He gĭt Brah Ndu mâu iăt ôh phung bunuyh geh nau tih, ƀiălah tơlah mbu nơm klach yơk ma Păng, jêh ri ƀư tĭng nâm nau mĭn Păng ŭch ri mơ Brah Ndu iăt nau păng.