Nau Hôr 28:8 - Nau Brah Ndu Ngơi 2023

⁸ Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Nau Hôr 28:8 ပူးပေါင်းရင်းမြစ်များ

II Samuel 12:6

Ăn păng ntrok puăn tơ̆ rnoh biăp kon, yorlah hŏ ƀư jêh nau aơ jêh ri yorlah mâu geh nau yô̆ nđach ôh.”

Nau Mprơ Ơm 72:13

Păng mra yô̆ nđach ma phung pưt kƀah jêh ri o ach Jêh ri rklaih nau rêh phung pưt kƀah.

Nau Ngluh Êjipt 22:25

Tơlah khân may ăn phung o ach tâm phung ƀon lan Gâp manh prăk, lơi ƀư ôh ma khân păng nâm bu nơm tơm geh rnon, jêh ri khân may mâu đŏng dơi sa kao ma khân păng.

Nau Hôr 13:22

Bunuyh ueh ăn drăp ndơn ma kon sau păng nơm, Ƀiălah drăp ndơ phung geh nau tih prăp ma bunuyh sŏng srăng.

Nau Hôr 14:21

Mbu nơm tâm rmot ma phung chiau meng jêng tih, Bi ma nơm yô̆ nđach ma phung o ach geh nau ueh maak ngăn.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 19:7

Lĕ rngôch oh nâu ndŭl deh bunuyh o ach tâm rmot da dê ma păng, Lơ hâu phung mĭt jiăng păng mra du ngai bơh păng! Păng tĭng vơl dăn ma khân păng, Ƀiălah khân păng mâu hôm ôh ta nây!

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Êsêkiêl 18:17

rhuăt ti mâu ƀư mhĭk ôh ma phung o ach, mâu sa kao mâu lah n'hao prăk sa kao, ƀiălah djôt prăp nau vay ƀư bơh Gâp jêh ri djôt tĭng nau vay dăp Gâp, pôri du huê kon nây mâu mra khĭt ôh yor nau djơh mhĭk mbơ̆ păng, n'hêl nanê̆ păng mra rêh.

Êsêkiêl 18:8

mâu ăn bu manh prăk gay sa kao, mâu lah n'hao prăk sa kao ôh; rhuăt ti mâu ƀư nau djơh mhĭk ôh, ƀư nau di nơm aơ đah nơm ri;

Kan Lêvi 25:36

Lơi sa kao mâu lah sŏk drăp nkhôm bơh păng ôh, ƀiălah klach yơk hom ma Brah Ndu gay ma oh nâu khân may dơi gŭ rêh dăch khân may.