Nau Hôr 28:18 - Nau Brah Ndu Ngơi 2023

¹⁸ Mbu nơm gŭ ngao ma nau sŏng mra dơi geh nau tâm rklaih, Bi ma nơm hăn tĭng trong kue mra tŭp ƀât lât.

Nau Hôr 28:18 ပူးပေါင်းရင်းမြစ်များ

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 25:21

Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Mprơ Ơm 26:11

Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Hôr 10:25

Lah phŭt sial chuănh lĕ lăn jêh, mâu hôm geh ôh phung ƀai, Ƀiălah mbon phung sŏng srăng gŭ nâp mro mrăng.

Nau Hôr 10:27

Nau klach yơk ma Brah Yêhôva ntop jŏ nar khay gŭ rêh, Bi năm gŭ rêh ma phung mhĭk mra n'hŭch lơi ăn ƀhôi.

Nau Hôr 10:9

Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Nau Hôr 28:10

Mbu nơm ƀư ăn bunuyh sŏng vĭ tâm trong tih mhĭk, Păng nơm nây ro mra tŭp tâm ntu păng hŏ kuyh; Ƀiălah bunuyh mâu geh nau bu dơi nduyh ôh ma dơn nau ueh lăng.

Nau Hôr 28:6

Ueh lơn jêng bunuyh o ach rêh tâm nau sŏng Rlau lơn jêng nơm ndrŏng ƀiălah tĭng trong kue kuăt.

Nau Kơp Bunuyh 22:21

Ang ôi taơ, Y-Balaam kah rngăl ôi, dăp ưn seh bri jêh ri hăn ndrel ma phung kôranh chiă uănh n'gor Môap.

Nau Kơp Bunuyh 22:32

Tông mpăr Brah Yêhôva ôp: “Mâm may dong seh bri me may pe tơ̆ jêh? Aơ, gâp hăn luh gay buay may, yorlah gâp saơ may hăn tĭng trong tih mhĭk.

Nau Kơp Bunuyh 22:35

Tông mpăr Brah Yêhôva lah ma Y-Balaam: “Hăn hom ndrel ma phung bu klâu nây, ƀiălah ăn may ngơi knŏng nau Gâp mra ntĭnh ma may.” Pôri Y-Balaam hăn ndrel ma phung kôranh chiă uănh Y-Balak.

Galati 2:14

Dôl saơ khân păng mâu hăn sŏng tĭng nau ngăn bơh Nau Mhe Mhan Ueh, gâp lah ma Y-Sêphas tanăp lĕ rngôch bunuyh pô aơ: “Tơlah may jêng bunuyh Yuđa, ƀiălah gŭ rêh tĭng nau phung bu năch, mâu kơt nâm bu phung Yuđa ôh, mâm ƀư may nchâp phung bu năch gŭ rêh tĭng nâm nau phung Yuđa?”

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

Nau Tâm Mpơl 3:3

Kah gĭt tay hom moh nau may dơn jêh ri tăng; djôt prăp hom jêh ri rmal hom nau tih. Tơlah may mâu rngeh njrăng Gâp mra văch nâm bu du huê nơm ntŭng; jêh ri may mâu mra gĭt ôh moh mông Gâp văch ƀât lât ta may.