Nau Hôr 28:16 - Nau Brah Ndu Ngơi 2023

¹⁶ Phung kôranh chiă uănh mâu geh nau gĭt vât knŏng rvê nau tŭn jot, Ƀiălah bunuyh tâm rmot sa ndơ bu mâu tâm di mra dơi rêh jŏ năm.

Nau Hôr 28:16 ပူးပေါင်းရင်းမြစ်များ

I Phung Hađăch 12:10

Phung mom ndăm hao toyh du rơh ndrel ma păng lah: “Phung ƀon lan aơ hŏ dăn jêh ma may pô aơ: ‘Mbơ̆ may hŏ n'gân ta klơ hên mâng mbăk jâk ngăn, dăn ma may n'hŭch ăn n'gơch mâng mbăk ma hên.’ Pônây, dăn may plơ̆ lah ma khân păng kơt aơ: ‘Nglau ti kon gâp toyh lơn ndŭl mbơ̆ gâp.

I Phung Hađăch 12:14

păng plơ̆ lah ma khân păng tĭng nâm nau phung mom ndăm nchră pô aơ: “Mbơ̆ gâp hŏ n'gân du mâng mbăk jâk ngăn, gâp mra ƀư ma mâng mbăk khân may jâk lơn đŏng. Mbơ̆ gâp hŏ tâm rmal khân may ma mâng rvĕ ntâu, gâp mra tâm rmal khân may ma mâng rvĕ ndŭr vơng.”

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nau Ngluh Êjipt 18:21

Rlau lơn ma nĕ, săch hom tâm phung ƀon lan phung bunuyh geh nau blau mĭn, nau klach yơk ma Brah Ndu, nanê̆ ngăn, rmot ma nau sa blŏl drăp, jêh ri ndâk ăn khân păng jêng kôranh mât uănh ma rbăn nuyh, ma rhiăng nuyh, ma prăm jât nuyh, mâu lah ma jât nuyh.

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Nơm Nti 10:16

Rêh ni ăn ma bri dak geh hađăch hôm ndăm ngăn, Jêh ri geh lĕ phung kôranh mhe ang hŏ rvê nau nhêt sa!

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”