Nau Hôr 28:14 - Nau Brah Ndu Ngơi 2023

¹⁴ Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nau Hôr 28:14 ပူးပေါင်းရင်းမြစ်များ

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 16:8

Gâp ăn Brah Yêhôva dâk tanăp gâp; Gâp mâu mra mpât n'gơ ôh yorlah păng gŭ mpeh pa ma gâp.

Nau Mprơ Ơm 2:11

Pah kan hom ma Brah Yêhôva ma nuih n'hâm klach yơk, Maak răm hom ma nuih n'hâm râm nsâr.

Nau Mprơ Ơm 95:8

Lơi ƀư dăng ôh nuih n'hâm khân may nâm bu ta Mêriba, Nâm bu ta nar Masa tâm bri rdah.

Nau Ngluh Êjipt 14:23

Phung Êjipt hăn tĭng khân păng. Lĕ rngôch seh, ndeh seh jêh ri phung tahan ncho seh Pharaôn tĭng khân păng trŭnh tâm dak mƀŭt da dê.

Nau Ngluh Êjipt 7:22

Ƀiălah phung rƀên n'gor Êjipt dŏng nau blau rƀên gay ƀư tâm ban pônây yor ri nuih n'hâm Pharaôn ăt hôm dăng, mâu tông nau Y-Môis jêh ri Y-Arôn, di nâm nau Brah Yêhôva hŏ ntĭnh jêh.

Nau Ngluh Êjipt 7:23

Pharaôn plơ̆ sĭt ta ngih hađăch, păng mâu chrê ôh ma nau nây.

Nau Hôr 23:17

Nuih n'hâm may lơi keh nach đah phung tih, Ƀiălah ăp nar klach yơk hom ma Brah Yêhôva.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:20

Di ngăn. Bu koh lơi jêh lĕ n'gĭng nây, yorlah nuih n'hâm khân păng mâu chroh, bi may knŏng dâk nâp yor nau chroh. Lơi sưr rlau, ƀiălah klach hom.

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

ហេឞ្រើ 4:1

Pôri, dôl geh nau ton ăn lăp tâm nau rlu Kôranh Brah ăt hôm nây, ăn he klach hom gay lơi geh du huê tâm phung he mâu geh nau di.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.