Nau Hôr 28:11 - Nau Brah Ndu Ngơi 2023

¹¹ Bunuyh ndrŏng kơp êng păng nơm jêng blau mĭn, Ƀiălah bunuyh o ach geh nau gĭt rbăng mra gĭt rah vah bunuyh nây.

Nau Hôr 28:11 ပူးပေါင်းရင်းမြစ်များ

Ndrom Samƀŭt bơh Yôp 32:9

Mâu di ôh bunuyh bu ranh geh nau blau mĭn da dê, Lĕ bunuyh rêh jŏ năm mbu dơi gĭt đŏng nau sŏng.

Nau Hôr 18:11

Drăp ndơ bunuyh ndrŏng jêng pôih nâp ngăn ma păng, Jêng pêr prêh tâm nau mĭn lor bơh nơm nây.

Nau Hôr 18:17

Mpeh nơm ngơi lor kơp păng nơm ngơi jêng di, Ƀiălah mpeh đah ri tât bu ôp n'hêl ri mơ rah vah tih di.

Nau Hôr 19:1

Ueh lơn jêng bunuyh o ach gŭ ngao mơih rmên, Rlau lơn jêng bunuyh geh bâr mbung mƀruh, jêng bunuyh rluk.

Nau Hôr 23:4

Lơi ƀư jêr ôh may nơm gay ƀư ndrŏng; Lơi hôm nau nsing ma nau gĭt mĭn may nơm.

Nau Hôr 26:12

May saơ lĕ mbu moh bunuyh blau mĭn kơp êng tĭng măt păng nơm đŏng? Bunuyh rluk hôm e geh nau kâp gân rlau ma păng.

Nau Hôr 26:16

Bunuyh ƀlao mĭn êng păng nơm blau mĭn lơn Rlau pơh bunuyh dơi plơ̆ lah ma nau di.

Nau Hôr 26:5

Plơ̆ sĭt lah hom ma bunuyh rluk tâm di đah nau rluk păng, Klach lah păng mĭn pô aơ păng nơm blau mĭn.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.