Nau Hôr 28:10 - Nau Brah Ndu Ngơi 2023

¹⁰ Mbu nơm ƀư ăn bunuyh sŏng vĭ tâm trong tih mhĭk, Păng nơm nây ro mra tŭp tâm ntu păng hŏ kuyh; Ƀiălah bunuyh mâu geh nau bu dơi nduyh ôh ma dơn nau ueh lăng.

Nau Hôr 28:10 ပူးပေါင်းရင်းမြစ်များ

Nau Mprơ Ơm 139:24

Rlong uănh gâp gĭt lah geh nau mhĭk mâu lah mâu, Jêh ri sâm njŭn leo gâp tâm trong n'ho ro.

Nau Mprơ Ơm 37:11

Bi ma bunuyh dêh rhêt mra geh n'gor ƀư drăp ndơn, Jêh ri maak dơn nau đăp mpăn nau ndrŏng.

Nau Mprơ Ơm 57:6

Khân păng nthăng nhuăl tâm dâng jâng gâp, Huêng gâp mpât n'gơ. Khân păng kuyh ntu jru tanăp gâp Ƀiălah khân păng nơm tŭp ta nây. (Sêla)

Nau Mprơ Ơm 9:15

Phung ƀon lan tŭp jêh tâm ntu jru khân păng hŏ kuyh jêh; Jâng khân păng văk tâm nhuăl khân păng nơm nthăng jêh.

Nau Hôr 10:3

Brah Yêhôva mâu ăn huêng phung sŏng srăng ji ngot ji hir, Ƀiălah Păng dun nau phung djơh ŭch kơnh.

Nau Hôr 15:6

Ngih bunuyh sŏng srăng geh âk drăp ndơ khlay, Ƀiălah ndơ bunuyh ƀai knŏng djôt leo nau rŭng răng tât ma khân păng.

Nau Hôr 2:21

Yorlah phung sŏng mra dơi gŭ chăm bri tâm n'gor, Jêh ri bunuyh ueh mra hôm gŭ ta nây ƀaƀơ.

Nau Hôr 21:20

Drăp ndơ khlay jêh ri dak ngi hôm e tâm ngih bunuyh blau mĭn, Ƀiălah bunuyh rluk sa lơi lĕ rngôch.

Nau Hôr 26:27

Mbu nơm kuyh ntu mra tŭp tâm ntu nây; Mbu nơm rlă lŭ, lŭ plơ̆ tŭn tay.

Nau Hôr 28:18

Mbu nơm gŭ ngao ma nau sŏng mra dơi geh nau tâm rklaih, Bi ma nơm hăn tĭng trong kue mra tŭp ƀât lât.

Nơm Nti 10:8

Nơm kuyh ntu mra tŭp tâm ntu, Bi nơm ƀư rai mpir mra bêh chôk.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Galati 2:4

Hên hŏ ƀư tâm ban lĕ yorlah geh ƀaƀă phung nklă jêng oh nâu, khân păng mŭt ntŭng tâm nklang hên, kâp uănh nau kon me hên geh jêh tâm Brah Yêsu Krist gay nhŭp hên ƀư dĭk.

ហេឞ្រើ 6:12

kŏ tât khân may mâu ƀlao ôh, ƀiălah tĭng kơt phung yor nau chroh jêh ri ma nuih n'hâm srôih dơn nau ton.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’