Nau Hôr 28:1 - Nau Brah Ndu Ngơi 2023

¹ Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Nau Hôr 28:1 ပူးပေါင်းရင်းမြစ်များ

I Phung Hađăch 1:49

Nôk nây, lĕ rngôch phung râng nhêt sông ndrel ma Y-Adônija klach râm sâr da dê jêh ri dâk, ăp nơm hăn trong êng êng.

II Phung Hađăch 7:15

Khân păng hăn tĭng phung tahan Aram kŏ tât ta dak krong Yurdan. Dôl tâm du njăr trong nây, khân păng saơ bêng ma kho ao jêh ri ndô ndơ phung tahan Aram mƀăr lơi tâm nôk nchuăt du. Phung prơh hăn plơ̆ sĭt jêh ri mbơh ma hađăch.

Nêhêmi 6:11

Gâp lah: “Du huê bunuyh nâm bu gâp mra nchuăt du? Du huê bunuyh nâm bu gâp lăp tâm ngih brah gay dơi rêh lĕ? Gâp mâu lăp ôh!”

Ndrom Samƀŭt bơh Yôp 15:21

Tăng nau klach krit nter nteh mro kêng tôr; Dôl ueh mpăn phung ntŭng văch tât.

Nau Mprơ Ơm 112:7

Păng mâu klach ôh lĕ nau lư mhĭk; Nuih n'hâm păng nâp, rnơm nsing ma Brah Yêhôva.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Mprơ Ơm 53:6

Ơ! ŭch ngăn ma nau tâm rklaih phung Israel, văch tă bơh Siôn! Tơlah Brah Ndu djôt leo phung ƀon lan Păng plơ̆ sĭt tă bơh n'gor ƀư bu nă. Yakôb mra răm rhơn jêh ri phung Israel hâk maak.

Nau Ngluh Êjipt 11:8

Aƀaơ, phung oh mon hađăch mra trŭnh văch ta gâp, păn mbah tanăp gâp jêh ri lah: ‘May jêh ri lĕ rngôch phung ƀon lan tĭng may hăn hom!’ Jêh nây gâp mra hăn.” Lôch ngơi, Y-Môis luh bơh Pharaôn ma nau ji nuih.

Nau Hôr 10:9

Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Nau Hôr 27:27

Dak toh be geh tŏng gay ƀư ndơ sông sa ăn may, Ăn ma bunuyh tâm ngih may Jêh ri gay mât lĕ phung oh mon bu ur may.

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Yêrêmi 20:4

Yorlah Brah Yêhôva lah: ‘Aơ, Gâp mra ƀư may jêng nau klach krit ngăn ăn may nơm jêh ri ma lĕ rngôch mĭt jiăng may. Khân păng mra cha lôt khĭt tâm dâng đao phung rlăng jêh ri măt may nơm saơ nau nây. Gâp mra jao lĕ rngôch phung ƀon lan Yuđa tâm ti hađăch Babilôn, hađăch nây mra njŭn leo khân păng jêng bu nă ma bri Babilôn jêh ri dŏng đao nkhĭt khân păng.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Kan Lêvi 26:36

Bi ma phung tâm khân may hôm rêh, Gâp mra ƀư ma ra ai nuih n'hâm khân may tâm n'gor phung rlăng. Nteh n'ha si tŭp ăt ƀư ma khân may nchuăt du tâm ban ma nchuăt du panăp đao, jêh ri prah nđâp lah mâu geh bunuyh tĭng lơh.

Kôranh Oh Mon 14:3

Nđâp lah pônây, bar hê kôranh oh mon gŭ ta nây jŏ nar, mbơh nkoch Kôranh Brah ma nau nănh; Kôranh Brah dŏng ti khân păng ƀư lĕ nau mbên khlay jêh ri nau khlay gay ma mbơh nau chroh ma nau Păng yô̆.

Kôranh Oh Mon 4:13

Lah khân păng saơ nau janh Y-Pêtrôs jêh ri Y-Yôhan, gĭt rah vah bar hê khân păng jêng phung ƀon lan dơm, mâu mâp nti ôh, khân păng hih rhâl da dê jêh ri gĭt năl jêh bar hê khân păng nây hŏ tă gŭ ndrel ma Brah Yêsu.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

I Têsalônik 2:2

Ƀiălah nâm bu khân may hŏ gĭt jêh, nđâp lah hŏ dơn nau rêh ni jêh ri nau mưch rmot ta ƀon Philip, hên hôm geh nau janh tâm Brah Ndu gay ntăm ma khân may Nau Mhe Mhan Ueh Brah Ndu ta nklang âk nau tâm rdâng.