Nau Hôr 27:22 - Nau Brah Ndu Ngơi 2023

²² Nđâp lah may sŏk rnai juh bunuyh rluk tâm mpăl juh nsum ndrel phe, Pôri nau rluk kŏ mâu chalơi lĕ bơh păng.

Nau Hôr 27:22 ပူးပေါင်းရင်းမြစ်များ

I Phung Hađăch 13:33

Jêh nau nây, Y-Jêrôbôam ăt mâu chalơi trong nau djơh mhĭk păng, ƀiălah hađăch ăt njêng phung kôranh ƀư brah ma lĕ ntŭk prêh klơ săch tâm phung ƀon lan; ma mbu nơm ŭch, păng ăn păng jêng kôranh ƀư brah ma lĕ ntŭk prêh klơ nây.

Nau Ngluh Êjipt 12:30

Dôl măng, Pharaôn jêh ri phung oh mon păng nđâp ma lĕ rngôch phung Êjipt dâk bê̆ch da dê. Geh nau nhĭm lŭng nter tâm n'gor Êjipt yorlah ăp ngih geh bunuyh khĭt da dê.

Nau Ngluh Êjipt 14:5

Lah bu mbơh ma hađăch Êjipt phung ƀon lan Hêbrơ du jêh, nuih n'hâm Pharaôn jêh ri phung oh mon păng đah phung ƀon lan nây tâm rgâl ro, khân păng lah: “Moh nau he hŏ ƀư kơt nây, mƀơk phung Israel hăn du, gay ma mâu hôm ăn khân păng pah kan ma he đŏng ƀơh?”

Nau Ngluh Êjipt 15:9

Phung rlăng lah: ‘Gâp hăn tĭng, gâp mra ban; Gâp mra tâm pă ndơ pit sŏk. Nau gâp kơnh mra dơi mpay. Gâp tŏk đao; ti gâp mra ƀư rai khân păng.’

Nau Hôr 14:24

Đon hađăch ma phung blau mĭn jêng nau ndrŏng kuăng, Bi ma rvang kao phung rluk mâl jêng nau brŭt moih.

Nau Hôr 23:35

May mra ngơi pô aơ: “Bu dong gâp ƀiălah gâp mâu ji ôh! Bu mbang gâp ƀiălah gâp mâu dơi gĭt! Lah gâp kah rngăl, Gâp mra plơ̆ joi nhêt tay đŏng.”

Nau Hôr 26:11

Bunuyh rluk plơ̆ ƀư tay nau rluk păng nơm Nâm bu so hŏ hok jêh nây plơ̆ ler tay.

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Yêrêmi 13:23

Bunuyh Êthiôpi mra dơi tâm rgâl dak piâk ntâu Mâu lah yau brăch tâm rgâl nau rvanh păng? Tơlah dơi, pôri lĕ rngôch khân may jêng phung hŏ mơng ƀư mhĭk Mra dơi ƀư nau ueh.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

I Samuel 19:21

Bu mbơh nau nây ma Y-Sôl gĭt; păng prơh phung êng, jêh ri phung êng nây jêng ngơi mbơh lor đŏng. Y-Sôl prơh tay phung mbơh hăn rơh pe, jêh ri khân păng ngơi nau mbơh lor đŏng.